Грамадска-кансультатыўны (экспертны) савет па развіцці прадпрымальніцтва пры Міністэрстве юстыцыі Рэспублікі Беларусь

Агульная інфармацыя

У мэтах выканання пункта 2 пастановы Савета Міністраў Рэспублікі Беларусь ад 5 кастрычніка 2016 г. № 802 “Аб унясенні змяненняў і дапаўненні ў пастанову Савета Міністраў Рэспублікі Беларусь ад 20 сакавіка 2012 г. № 247” у Міністэрстве юстыцыі выдадзены загад Міністэрства юстыцыі Рэспублікі Беларусь ад 11 лістапада 2016 г. № 233 “Аб некаторых пытаннях арганізацыі грамадскага абмеркавання праектаў нарматыўных прававых актаў па развіцці прадпрымальніцтва, а таксама пытанняў ажыццяўлення прадпрымальніцкай дзейнасці”.

Названым загадам зацверджана Палажэнне аб грамадска-кансультатыўным (экспертным) савеце па развіцці прадпрымальніцтва пры Міністэрстве юстыцыі Рэспублікі Беларусь, а таксама яго склад.

Дзейнасць грамадска-кансультатыўнага (экспертнага) савета па развіцці прадпрымальніцтва пры Міністэрстве юстыцыі Рэспублікі Беларусь

У 2017 годзе праведзена 2 пасяджэння савета.

30 студзеня 2017 г. на разгляд пасяджэння савета выносілася пытанне аб адмене пячаткі як абавязковага рэквізіту ў гаспадарчай дзейнасці юрыдычных асоб.

Па выніках пасяджэння члены савета, а таксама запрошаныя адобрылі падыходы, закладзеныя ў праекце Дэкрэта Прэзідэнта Рэспублікі Беларусь “Аб унясенні зменаў і дапаўненняў у Дэкрэт Прэзідэнта Рэспублікі Беларусь”, у частцы адмены пячаткі як абавязковага рэквізіту ў дзейнасці суб’ектаў гаспадарання.

На савета 17 кастрычніка 2017 г. разглядаліся пытанні ўключэння ў Грамадзянскі кодэкс Рэспублікі Беларусь нормаў, накіраваных на стварэнне прававых умоў для маштабнага ўкаранення і выкарыстання інфармацыйных сістэм (рэсурсаў, сетак) пры аказанні паслуг фізічным асобам, пры ўзаемадзеянні суб’ектаў гаспадарання паміж сабой, заканадаўчага замацавання натарыяльнага пасведчання здзелак па адчужэнню доляй (часткі доляй) у статутным фондзе таварыстваў з абмежаванай адказнасцю, таварыстваў з дадатковай адказнасцю, удасканалення парадку выхаду ўдзельніка з гаспадарчага грамадства.

Па выніках пасяджэння члены савета, а таксама запрошаныя адобрылі праект прапанаваных карэкціровак у Грамадзянскі кодэкс Рэспублікі Беларусь, а таксама пагадзіліся з выкладзенай канцэпцыяй удзелу натарыусаў пры здзяйсненні здзелак па адчужэнню доляй (часткі доляй) гаспадарчага грамадства і ў сферы адносін, звязаных з выхадам удзельнікаў з гэтага грамадства. Пры гэтым была адзначана неабходнасць нарматыўнага замацавання названых нормаў, якія забяспечваюць захаванне інтарэсаў усіх удзельнікаў адносін і, у першую чаргу, суб’ектаў гаспадарання.

уверх