Упраўленне адвакатуры і ліцэнзавання юрыдычнай дзейнасці

У адпаведнасці з пунктам 7 артыкула 98 Кодэкса Рэспублікі Беларусь аб адукацыі дакументам, які пацвярджае асваенне навучэнцам зместу адукацыйнай праграмы вышэйшай адукацыі I ступені, якая забяспечвае атрыманне кваліфікацыі спецыяліста з вышэйшай адукацыяй, з'яўляецца дыплом аб вышэйшай адукацыі.

Пунктам 30 Палажэння аб бесперапыннай прафесійнай адукацыі кіруючых работнікаў і спецыялістаў, зацверджанага пастановай Савета Міністраў Рэспублікі Беларусь ад 15 ліпеня 2011 г. № 954, устаноўлена, што асваенне зместу адукацыйных праграм перападрыхтоўкі не дае вышэйшай або сярэдняй спецыяльнай адукацыі па спецыяльнасці перападрыхтоўкі.

Такім чынам, дыплом аб перападрыхтоўцы на ўзроўні вышэйшай адукацыі не з'яўляецца дакументам, які сведчыць аб атрыманні фізічнай асобай кваліфікацыі спецыяліста з вышэйшай адукацыяй.

У адпаведнасці з Законам Рэспублікі Беларусь «Аб медыяцыі» медыятарам можа быць фізічная асоба з вышэйшай юрыдычнай або іншай вышэйшай адукацыяй, якая прайшла падрыхтоўку ў сферы медыяцыі або фізічная асоба з вопытам працы ў якасці прымірыцеля ў адпаведнасці з працэсуальным заканадаўствам, якая атрымала пасведчанне медыятара. Дадзенае пасведчанне выдаецца Міністэрствам юстыцыі на падставе рашэння Кваліфікацыйнай камісіі па пытаннях медыяцыі. Такім чынам, для атрымання пасведчання медыятара прэтэндэнт павінен мець дыплом аб заканчэнні ўстановы вышэйшай адукацыі без прад'яўлення патрабаванняў па якой-небудзь канкрэтнай спецыяльнасці. На дадзены момант Міністэрствам юстыцыі выдадзена больш за 600 пасведчанняў медыятара, уладальнікамі якіх з'яўляюцца юрысты, псіхолагі, педагогі і іншыя спецыялісты.

уверх