Адвакатура і ліцэнзаванне юрыдычнай дзейнасці

Міністэрства юстыцыі Рэспублікі Беларусь рэалізоўвае паўнамоцтвы, звязаныя з рэгуляваннем адвакацкай дзейнасці, сферы аказання юрыдычных, рыэлтарскіх паслуг, а таксама медыяцыі. Міністэрствам юстыцыі таксама праводзіцца работа па падрыхтоўцы праектаў нарматыўных прававых актаў, накіраваных на ўдасканаленне ліцэнзаванай дзейнасці, павышэнне якасці аказання рыэлтарскіх і юрыдычных паслуг, забеспячэнне ўмоў для актыўнага прымянення медыяцыі.

З 1 ліпеня 2020 г. пацверджанне наяўнасці ліцэнзіі можа ажыццяўляцца шляхам звароту да Адзінага рэестра ліцэнзій з дапамогай глабальнай камп'ютэрнай сеткі Інтэрнэт праз адзіны партал электронных паслуг агульнадзяржаўнай аўтаматызаванай інфармацыйнай сістэмы. У Рэестр уключаюцца звесткі аб ліцэнзіях, якія дзейнічаюць на 1 ліпеня 2020 г., а таксама аб усіх ліцэнзіях, якія выдаюцца.

Для ліцэнзій, што выдаюцца з 1 ліпеня 2020 г., днём атрымання ліцэнзіі лічыцца дзень занясення ў Рэестр звестак аб адпаведнай ліцэнзіі.

Адвакатура ўяўляе сабой важнейшы прававы інстытут любой дзяржавы, які стаіць на абароне асноватворных правоў грамадзян і юрыдычных асоб. Ад таго, наколькі яна моцная і арганізаваная, заканадаўча абаронена, у значнай ступені залежыць упэўненасць кожнага грамадзяніна ў сваім дабрабыце. Аказанне адвакатамі на прафесійнай аснове розных відаў кваліфікаванай юрыдычнай дапамогі фізічным і юрыдычным асобам мае асабліва важнае значэнне для забеспячэння эфектыўнай абароны іх правоў і законных інтарэсаў.

Больш падрабязную інфармацыю Вы можаце атрымаць па спасылцы https://minjust.gov.by/directions/advocacy/advocacy/.

Ліцэнзаванне дзейнасці ў сферы аказання юрыдычных паслуг з'яўляецца адным з прыярытэтных напрамкаў дзейнасці Міністэрства юстыцыі. Функцыі ліцэнзавання заключаюцца ў распрацоўцы і прыняцці нарматыўных прававых актаў у галіне рэгулявання дзейнасці юрыдычных асоб і індывідуальных прадпрымальнікаў, якія ажыццяўляюць ліцэнзуемы від дзейнасці, а таксама правядзенне кантролю за ажыццяўленнем ліцэнзіятамі такой дзейнасці.

Больш падрабязную інфармацыю Вы можаце атрымаць па спасылцы https://minjust.gov.by/directions/advocacy/legal_services/

Ліцэнзаванне дзейнасці па аказанні рыэлтарскіх паслуг ажыццяўляецца ў мэтах забеспячэння абароны дзяржаўных і грамадскіх інтарэсаў, правоў і законных інтарэсаў грамадзян.

Рэалізуючы функцыю ліцэнзавання гэтага віду дзейнасці, Міністэрствам юстыцыі шляхам распрацоўкі нарматыўных прававых актаў сфармавана прававое поле ў сферы аказання рыэлтарскіх паслуг. Ліцэнзійныя патрабаванні і ўмовы няўхільнага выканання заканадаўства фармуюць у дзейнасці рыэлтарскіх арганізацый прававой прыярытэт і абавязваюць іх арганізоўваць працу ў рамках закона.

Больш падрабязную інфармацыю Вы можаце атрымаць па спасылцы https://minjust.gov.by/directions/advocacy/real/

Па стане на 1 ліпеня 2021 г. у Рэспубліцы Беларусь:

  • ажыццяўляе дзейнасць 1997 адвакатаў , функцыянуюць 161 юрыдычная кансультацыя, 94 адвакацкіх бюро (9 адвакацкіх бюро знаходзяцца ў стадыі ліквідацыі), 373 адваката ажыццяўляюць адвакацкую дзейнасць індывідуальна;

  • 1646 ліцэнзіятаў аказвалі юрыдычныя паслугі, з іх 1329 індывідуальныя прадпрымальнікі і 317 юрыдычных асоб;

  • 158 арганізацый, з іх спецыяльныя дазволы (ліцэнзіі) на права ажыццяўлення дзейнасці па аказанні юрыдычных паслуг з указаннем састаўляючай ліцэнзіруемы від дзейнасці – рыэлтарскія, выдадзеныя Міністэрствам юстыцыі, мела 152 камерцыйных арганізацый;

  • выдадзена 956 сведчанняў медыятара.

Кантроль за выкананнем ліцэнзіятамі ліцэнзійных патрабаванняў і ўмоў ажыццяўлення ліцэнзуемых відаў дзейнасці праводзіцца Міністэрствам юстыцыі ў адпаведнасці з патрабаваннямі:

Пры ажыццяўленні кантролю Міністэрствам юстыцыі правяраецца выкананне ліцэнзіятамі патрабаванняў і ўмоў ажыццяўлення ліцэнзуемага віду дзейнасці, пералік якіх змяшчаецца ў нарматыўных прававых актах, якія рэгламентуюць адвакацкую дзейнасць, дзейнасць па аказанні юрыдычных паслуг, рыэлтарскую дзейнасць.

Дакументы аб выдачы, унясенні змяненняў і (або) дапаўненняў, спыненні дзеяння ліцэнзій падаюцца спецыялістам упраўлення адвакатуры і ліцэнзавання юрыдычнай дзейнасці ў прыёмныя дні.

ГРАФІК прыёму і выдачы дакументаў работнікамі ўпраўлення адвакатуры і ліцэнзавання юрыдычнай дзейнасці

Па пытаннях ліцэнзавання рыэлтарскай дзейнасці і выдачы пасведчанняў аб атэстацыі рыэлтара

Панядзелак

Выдача дакументаў

з 11.30 да 13.00

Прыём дакументаў

з 14.00 да 16.00

унутр. тэл. 308, 309, 114

Кансультант — Булах Таццяна Аляксандраўна

(у выпадку яе адсутнасці - вядучы рэферэнт - Карытка Таццяна Анатольеўна)

каб. 114

Па пытаннях выдачы пасведчанняў медыятара і рэгістрацыі арганізацый, якія забяспечваюць правядзенне медыяцыі

Аўторак

Прыём дакументаў

з 11.30 да 13.00

Выдача дакументаў

з 14.30 да 16.00

унутр. тэл. 300, 309, 114

Кансультант - Шаўчонак Алена Уладзіміраўна

(у выпадку яго адсутнасці - вядучы рэферэнт - Карытка Таццяна Анатольеўна)

каб. 114

Па пытаннях ліцэнзавання дзейнасці па аказанні юрыдычных паслуг

Чацвер

Прыём дакументаў

з 11.30 да 13.00

Выдача дакументаў

з 14.30 да 16.00

унутр. тэл. 309, 308, 114

Вядучы рэферэнт - Карытка Таццяна Анатольеўна

(у выпадку яе адсутнасці - Кансультант — Булах Таццяна Аляксандраўна)

каб. 114

Па пытаннях ліцэнзавання адвакацкай дзейнасці

Пятніца

Прыём дакументаў

з 11.30 да 13.00

Выдача дакументаў

з 14.30 да 16.00

унутр. тэл. 300, 310

Кансультант - Шаўчонак Алена Уладзіміраўна

(у выпадку яе адсутнасці - кансультант — Рэлява  Аксана Анатольеўна)

каб. 114


Заява аб выдачы ліцэнзіі павінна быць разгледжана ліцэнзуючым органам на працягу 15 рабочых дзён са дня прыёму дакументаў, вызначаных у Палажэнні аб ліцэнзаванні асобных відаў дзейнасці. Указаны тэрмін можа быць прадоўжаны на перыяд правядзення ацэнкі і (або) экспертызы адпаведнасці магчымасцяў суіскальніка ліцэнзіі ліцэнзійным патрабаванням і ўмовам, але не больш чым на 10 рабочых дзён, калі іншае не прадугледжана Палажэнні аб ліцэнзаванні асобных відаў дзейнасці або іншымі заканадаўчымі актамі.

Павышэнне кваліфікацыі асоб, якія маюць пасведчанні аб атэстацыі рыэлтэра, асоб, якія аказваюць юрыдычныя паслугі, а таксама прафесійная падрыхтоўка прэтэндэнтаў на пасаду агента па аперацыях з нерухомасцю ажыццяўляецца ва ўстанове адукацыі «Інстытут перападрыхтоўкі і павышэння кваліфікацыі суддзяў, работнікаў пракуратуры, судоў і ўстаноў юстыцыі Беларускага дзяржаўнага універсітэта» па адрасе: г. Мінск, вул. Савецкая, 14 (адрас сайта: www.lawinstitute.bsu.by). 

Глядзіце таксама:

Адвакацкая дзейнасць

Рыэлтарская дзейнасць

Юрыдычныя паслугі

уверх