Апастыль, сведчанне дакументаў для консульскай легалізацыі

УВАГА!

З 11 студзеня 2015 г. Міністэрства юстыцыі не ажыццяўляе прастаўленне апастылю. На дакументах, выходных з судоў, натарыяльных архіваў, а таксама ад натарыусаў, апастыль прастаўляюць галоўныя ўпраўленнi юстыцыі абласных, Мінскага гарадскога выканаўчых камітэтаў.

У адпаведнасці з артыкулам 11 Гаагскай канвенцыі ад 5 кастрычніка 1961 года адмяняецца патрабаванне легалізацыі замежных афіцыйных дакументаў, на якіх прастаўлены апастыль. Адпаведна, адменена і легалізацыя афіцыйных дакументаў, выходных з нашай дзяржавы і прызначаных для выкарыстання ў дзяржавах-ўдзельніках Гаагскай канвенцыі.

З нормамі Гаагскай канвенцыі можна азнаёміцца ў Інтэрнэце па адрасе: http://pravo.by

Прастаўленне апастылю на афіцыйным дакуменце, складзеным на тэрыторыі Рэспублікі Беларусь, з'яўляецца адміністрацыйнай працэдурай, якая ажыццяўляецца ў адпаведнасці з Указам Прэзідэнта Рэспублікі Беларусь ад 26 красавіка 2010 г. № 200 і пастановай Савета Міністраў Рэспублікі Беларусь ад 17 лютага 2012 г. № 156.

У Рэспубліцы Беларусь прастаўленне апастылю на дакументах, складзеных на тэрыторыі Рэспублікі Беларусь, ажыццяўляецца:

Галоўнае ўпраўленне юстыцыі Мінскага гарвыканкама
Галоўнае ўпраўленне юстыцыі Мінскага аблвыканкама
Галоўнае ўпраўленне юстыцыі Брэсцкага аблвыканкама
Галоўнае ўпраўленне юстыцыі Віцебскага аблвыканкама
Галоўнае ўпраўленне юстыцыі Гомельскага аблвыканкама
Галоўнае ўпраўленне юстыцыі Гродзенскага аблвыканкама
Галоўнае ўпраўленне юстыцыі Магілёўскага аблвыканкама
на дакументах, зыходзячых з судоў, натарыяльных архіваў, а таксама ад натарыусаў
Міністэрства адукацыі Рэспублікі Беларусь на дакументах, зыходзячых з устаноў адукацыі
Дэпартамент па архівах і справаводству Міністэрства юстыцыі Рэспублікі Беларусь на дакументах, зыходзячых з дзяржаўных архіваў Рэспублікі Беларусь
Міністэрства замежных спраў Рэспублікі Беларусь на ўсіх іншых відах дакументаў, а таксама дакументах, якія паступілі з дыпламатычных прадстаўніцтваў і консульскіх устаноў Рэспублікі Беларусь або выпатрабаваны імі

Для дакументаў, прызначаных для прадстаўлення ў кампетэнтныя органы дзяржаў, якія не далучыліся да Гаагскай Канвенцыі, прадугледжаны іншы парадак легалізацыі.

Легалізацыя афіцыйнага дакумента з'яўляецца адміністрацыйнай працэдурай, якая ажыццяўляецца ў адпаведнасці з Указам Прэзідэнта Рэспублікі Беларусь ад 26 красавіка 2010 г. № 200 і пастановай Савета Міністраў Рэспублікі Беларусь ад 17 лютага 2012 г. № 156.

ЗВЯРТАЕМ УВАГУ!

У адпаведнасці з пастановай Міністэрства замежных спраў Рэспублікі Беларусь ад 16 жніўня 2010 г. № 16 «Аб арганізацыі работы па ажыццяўленні консульскай легалізацыі афіцыйных дакументаў у Рэспубліцы Беларусь і за межамі Рэспублікі Беларусь»:

Міністэрства юстыцыі Рэспублікі Беларусь папярэдне сведчыць афіцыйныя дакументы, складзеныя на тэрыторыі Рэспублікі Беларусь, зыходзячыя з судоў, галоўных ўпраўленняў юстыцыі абласных, Мінскага гарадскога выканаўчых камітэтаў, натарыяльных архіваў, а таксама ад натарыусаў, для іх наступнай легалізацыі ў галоўным консульскім ўпраўленнi Міністэрства замежных спраў Рэспублікі Беларусь.

Прыём дакументаў у Міністэрстве юстыцыі ажыццяўляецца па адрасе:

Міністэрства юстыцыі Рэспублікі Беларусь
220004, г. Мінск, вул. Калектарная, 10

Падаць дакументы ў Міністэрства юстыцыі можа любая асоба, у тым ліку якая не з'яўляецца ўладальнікам дакумента. Прад'яўленне пашпарта і даверанасці пры падачы дакументаў не патрабуецца.

Графік прыёму і выдачы дакументаў:

Прыём дакументаў для афармлення Выдача аформленых дакументаў
панядзелак, аўторак, чацвер, пятніца – з 9.00 да 11.00 панядзелак, аўторак, чацвер, пятніца – з 16.00 да 17.00
серада – з 16.00 да 17.00 серада – з 18.00 да 19.00 (выдаюцца дакументы, прынятыя ў папярэднія дні)

Дадатковую інфармацыю можна атрымаць па тэлефонах:

ЗВЯРТАЕМ УВАГУ!

Міністэрства юстыцыі не валодае звесткамі адносна патрабаванняў, якiя прад'яўляюцца замежнымi арганізацыямi да зместу і афармлення дакументаў. Дадзеная інфармацыя можа быць атрымана зацікаўленымі асобамі непасрэдна ў арганізацыі краіны прызначэння (прад'яўлення) дакумента або ў пасольстве замежнай дзяржавы. Па названых пытаннях Міністэрства юстыцыі не кансультуе.

уверх