Часопіс «Юстыцыя Беларусі»

justbel.jpg

Галоўны рэдактар: 
Анікеева Вікторыя Міхайлаўна

Тэлефон:
+375 17 200-22-58

Навукова-практычны часопіс «Юстыцыя Беларусі» — афіцыйнае выданне Міністэрства юстыцыі Рэспублікі Беларусь. Першы нумар выйшаў у свет у маі 1998 года.

Часопіс уключаны ў рэспубліканскі каталог падпісных выданняў і ў Спіс навуковых выданняў Рэспублікі Беларусь для апублікавання вынікаў дысертацыйных даследаванняў, зацверджаны загадам Вышэйшай атэстацыйнай камісіі.

На старонках выдання выступаюць юрысты-практыкі і навукоўцы-прававеды па актуальных пытаннях удасканалення заканадаўства, правапрымянення і развіцця прававой навукі.

Часопіс арыентаваны на спецыялістаў сістэмы органаў юстыцыі і з'яўляецца дапамогай у працы адвакатаў, натарыусаў, юрыстаў-гаспадарнікаў, выкладчыкаў і студэнтаў юрыдычных навучальных устаноў, кіраўнікоў і служачых дзяржаўных устаноў, якія ўдзельнічаюць у нарматворчай дзейнасці.

Асноўныя рубрыкі часопіса: «Каментар. Аналіз. Меркаванне», «Актуальны каментар», «Замежны вопыт», «Прымусовае выкананне», «Натарыят», «Загс», «Адвакатура», «Справаводства і архіўная справа».

З красавіка 2004 года выдаецца нарматыўна-прававы і інфармацыйны Дадатак да часопісу «Юстыцыя Беларусі», асноўная функцыя якога - публікацыя звестак аб ліквідацыі суб'ектаў гаспадарання, памяншэнні статутнага фонду гаспадарчых таварыстваў, аб рэгістрацыі (змене назвы) палітычных партый, саюзаў, асацыяцый. Таксама ў Дадатку размяшчаецца даведачная інфармацыя, арыентаваная на рашэнне пытанняў, з якімі грамадзяне часцей за ўсё звяртаюцца ў дзяржаўныя органы; публікуюцца тэксты найбольш важных новых нарматыўных прававых актаў, праектаў нарматыўных прававых актаў Міністэрства юстыцыі.

Часопісы распаўсюджваюцца ў Рэспубліцы Беларусь і Расійскай Федэрацыі. Перыядычнасць выхаду часопіса — 1 раз у месяц, Дадатка — 2 разы на месяц.

Кантактная інфармацыя:

  • Адрас: 220004, г. Мінск, вул. Кальварыйская, 1/1-703 

  • Тэлефон / факс: +375 17 306-53-69

  • E-mail: justbel@mail.ru

Афіцыйны сайт юрыдычнага навукова-практычнага часопіса «Юстыцыя Беларусі» — www.justbel.info

уверх