Натарыят і ЗАГС

Асноўныя задачы ўпраўлення натарыята і загсаў:
  • забеспячэнне рэгулявання натарыяльнай дзейнасці і кіраўніцтва натарыятам у Рэспубліцы Беларусь;
  • забеспячэнне кантролю за выкананнем натарыусамі, Беларускай натарыяльнай палатай, яе арганізацыйнымі структурамі заканадаўства аб натарыяце;
  • агульнае і метадычнае кіраўніцтва рэгістрацыяй актаў грамадзянскага стану аддзеламі запісу актаў грамадзянскага стану раённых, гарадскіх выканаўчых камітэтаў і мясцовых адміністрацый раёнаў у гарадах, Дамамі (Палацамі) грамадзянскіх абрадаў гарадскіх выканаўчых камітэтаў, гарадскімі (гарадоў раённага падпарадкавання), пасялковымі і сельскімі выканаўчымі і распарадчымі органамі;
  • метадычнае кіраўніцтва рэгістрацыяй актаў грамадзянскага стану консульскімі ўстановамі, а таксама дыпламатычнымі прадстаўніцтвамі Рэспублікі Беларусь у выпадку выканання імі консульскіх функцый;
  • забеспячэнне кантролю за рэгістрацыяй актаў грамадзянскага стану аддзеламі запісу актаў грамадзянскага стану раённых, гарадскіх выканаўчых камітэтаў і мясцовых адміністрацый раёнаў у гарадах, Дамамі (Палацамі) грамадзянскіх абрадаў гарадскіх выканаўчых камітэтаў, гарадскімі (гарадоў раённага падпарадкавання), пасялковымі і сельскімі выканаўчымі і распарадчымі органамі;
  • забеспячэнне выканання функцыі Міністэрства юстыцыі Рэспублікі Беларусь па ўзгадненні прызначэння і вызвалення ад пасады кіраўнікоў аддзелаў запісу актаў грамадзянскага стану раённых, гарадскіх выканаўчых камітэтаў і мясцовых адміністрацый раёнаў у гарадах, Дамоў (Палацаў) грамадзянскіх абрадаў гарадскіх выканаўчых камітэтаў, а таксама заключэнню (прадаўжэнню, спыненню дзеяння) кантрактаў з прызначанымі асобамі;
  • забеспячэнне ўзгаднення кандыдатур на пасадзе кіраўнікоў архівамі органаў, што рэгіструюць акты грамадзянскага стану, галоўных кіраванняў юстыцыі аблвыканкамаў і Мінскага гарвыканкама;
  • вядзенне рэестра натарыяльных кантор і натарыяльных бюро;
  • вядзенне рэестра пасведчанняў на ажыццяўленне натарыяльнай дзейнасці.
  • засведчанне афіцыйных дакументаў, складзеных на тэрыторыі Рэспублікі Беларусь, зыходзячых з судоў, галоўных упраўленняў юстыцыі абласных, Мінскага горадскога выканаўчых камітэтаў, натарыяльных архіваў, а таксама ад натарыусаў, для консульскай легалізацыі.
Аб натарыяльнай дзейнасці

У 2019 годзе натарыяльную дзейнасць у рэспубліцы ажыццяўляла 835 натарыусаў у складзе 212 натарыяльных кантор і 45 натарыяльных бюро.

Натарыусамі ў 2019 годзе здзейснена больш за 1,350 млн. натарыяльных дзеянняў. У параўнанні з 2018 годам колькасць здзейсненных натарыяльных дзеянняў павялічылася болей чым на 8,8 тыс.

У 2019 годзе Кваліфікацыйнай камісіяй па пытаннях натарыяльнай дзейнасці праведзена 25 пасяджэнняў, на якіх разгледжана 509 матэрыялаў.

Па выніках разгляду выдадзена 10 пасведчанняў на ажыццяўленне натарыяльнай дзейнасці; анулявана 19 пасведчанняў на ажыццяўленне натарыяльнай дзейнасці;  прыпынены паўнамоцтвы 9 натарыусаў; адноўлены паўнамоцтвы 14 натарыусаў; унесены змяненні ў 3 пасведчанні на ажыццяўленне натарыяльнай дзейнасці. Кваліфікацыйнай камісіяй па пытаннях натарыяльнай дзейнасці разгледжаны матэрыялы аб атэстацыі 442 натарыусаў.

У 2019 годзе Міністэрствам юстыцыі праведзена значная работа па ўдасканальванні заканадаўства аб натарыяце.

У першым чытанні Палатай прадстаўнікоў Нацыянальнага схода Рэспублікі Беларусь прыняты праект Закона Рэспублікі Беларусь «Аб змяненні законаў па пытаннях натарыяльнай дзейнасці».

Міністэрствам юстыцыі вялася работа над падрыхтоўкай праекта Указа Прэзідэнта Рэспублікі Беларусь, накіраванага на надзяленне натарыусаў паўнамоцтвамі на прастаўленне апастыля на афіцыйных дакументах Рэспублікі Беларусь, а таксама на далейшае ўдасканальванне парадку задавальнення бясспрэчных патрабаванняў.

Вялася работа па ўдасканальванні заканадаўства, якое рэгулюе пытанні спагнання натарыяльнага тарыфу і вызвалення ад яго выплаты. Па выніках работы прынята пастанова Савета Міністраў Рэспублікі Беларусь ад 5 снежня 2019 г. № 840 «Аб змяненні пастановы Савета Міністраў Рэспублікі Беларусь ад 27 снежня 2013 г. № 1145».

У мэтах прадстаўлення дакументаў у электронным відзе для ўчынення выканаўчага надпісу аб спагнанні запазычанасці па патрабаваннях, заснаваных на крэдытным дагаворы, іншым дагаворы які ўтрымлівае істотныя ўмовы крэдытнага дагавора, а таксама ў сувязі з унесенымі змяненнямі ў Жыллёвы кодэкс Рэспублікі Беларусь скарэкціравана пастанова Савета Міністраў Рэспублікі Беларусь ад 28 снежня 2006 г. № 1737 «Аб зацвярджэнні пераліку дакументаў, па якім спагнанне праводзіцца ў бясспрэчным парадку на падставе выканаўчых надпісаў». Прынята пастанова Савета Міністраў Рэспублікі Беларусь ад 28 снежня 2019 г. № 931 «Аб змяненні пастановы Савета Міністраў Рэспублікі Беларусь ад 28 снежня 2006 г. № 1737».

Указам Прэзідэнта Рэспублікі Беларусь ад 4 верасня 2019 г. № 327 «Аб павышэнні энергаэфектыўнасці шматкватэрных жылых дамоў» натарыусы надзелены паўнамоцтвамі на ўчыненне выканаўчых надпісаў аб спагнанні запазычанасці па пакрыцці выдаткаў (частцы выдаткаў) на рэалізацыю мерапрыемстваў, накіраваных на эфектыўнае і рацыянальнае выкарыстанне цеплавой энергіі ў шматкватэрных жылых дамах. Для ўчынення дадзеных выканаўчых надпісаў вызначаны дакументы, якія пацвярджаюць бясспрэчнасць патрабаванняў спагнанніка да даўжніка (прынята пастанова Савета Міністраў Рэспублікі Беларусь ад 5 снежня 2019 г. № 839 «Аб рэалізацыі Указа Прэзідэнта Рэспублікі Беларусь ад 4 верасня 2019 г. № 327»).

У мэтах рэалізацыі Праграмы сацыяльна-эканамічнага развіцця Рэспублікі Беларусь на 2016 – 2020 гады ў 2019 годзе прадоўжана работа па вывучэнні магчымасці развіцця адзінай электроннай сістэмы ўліку натарыяльных дзеянняў і спадчынных спраў у частцы выкарыстання найноўшых тэхналогій перадачы і захоўвання інфармацыі, падрыхтаваны прапановы аб мадэрнізацыі сістэмы з улікам меркавання Беларускай натарыяльнай палаты, якая з'яўляецца яе ўласнікам.

У лістападзе 2019 года здзейснілася ўрачыстая цырымонія прыняцця натарыяту Беларусі ў члены Міжнароднага саюза натарыяту. Дадзеная падзея, знамянальная для беларускага натарыяту, надасць новы імпульс для далейшага развіцця і ўдасканальвання гэтага інстытута.

Аб дзейнасці органаў, якія рэгіструюць акты грамадзянскага стану

У Рэспубліцы Беларусь на 1 кастрычніка 2019 г. дзейнічае 147 аддзелаў загса раённых, гарадскіх выканаўчых камітэтаў і мясцовых адміністрацый раёнаў у гарадах, 1 Палац грамадзянскіх абрадаў гарвыканкама, якія ажыццяўляюць 15 адміністрацыйных працэдур, звязаных з рэгістрацыяй актаў грамадзянскага стану.

Штогод у разрэзе рэгіёнаў рэспублікі найбольшая колькасць актаў грамадзянскага стану рэгіструецца органамі загса г. Мінска – болей за 60,3 тыс. або 20% ад агульнага ліку, Мінскай вобласці – болей за 46,3 тыс. актаў (15,3 %), Гомельскай вобласці – болей за 46,2 тыс. актаў (15,2%), Брэсцкай вобласці – болей за 44,19 тыс. актаў (14,5 %).

У 2018 годзе органамі загса рэспублікі было зарэгістравана болей за 303,7 тыс. актаў грамадзянскага стану, выдадзена болей за 913,6 тыс. дакументаў аб рэгістрацыі актаў грамадзянскага стану.

У 2018 годзе ў рэспубліцы зарэгістравана болей за 60,7 тыс. шлюбаў, з іх болей за 37,2 тыс. зарэгістравана з прадастаўленнем паслугі, г.зн. ва ўрачыстай абстаноўцы, што складае 61 % ад агульнага ліку шлюбаў.

Органамі загса сталіцы было зарэгістравана болей 14,6 тыс. шлюбаў (лідэр па краіне). Сярэдні ўзрост уступлення ў першы шлюб склаў: мужчыны – 27,9 гадоў, жанчыны – 25,8 гадоў.

Праведзены 594 «залатыя» і больш за 633 «сярэбраныя» вясельныя юбілеі.

Летась у рэспубліцы было зарэгістравана амаль 95 тыс. актаў аб нараджэнні, з іх болей за 8 тыс. рэгістрацый нараджэнняў дзяцей прайшло ва ўрачыстай абстаноўцы.

Найбольшая колькасць запісаў актаў аб нараджэнні здзейснена органамі загса г. Мінска – болей за 21,7 тыс. актаў, Брэсцкай вобласці –болей за 14,9 тыс., Гомельскай вобласці – 14,2 тыс., Мінскай вобласці – 13,5 тыс.

З пачатку 2019 года ў «топ-10 уласных імён», дадзенных бацькамі нованароджаным пры рэгістрацыі нараджэння ўваходзяць:

  • мужчынскія імя – Арцём, Кірыл, Максім, Міхаіл, Данііл;
  • жаночыя імя – Сафія, Марыя, Ганна, Аксіння, Аліса.
уверх