Намеснік Міністра Мікалай Старавойтаў сустрэўся з адвакатамі і натарыусамі Гродзенскай вобласці

Намеснік Міністра юстыцыі Мікалай Старавойтаў 3 жніўня прыняў удзел у нарадзе па падвядзенні вынікаў работы Гродзенскай абласной калегіі адвакатаў за 1-е паўгоддзе 2023 года.

Такі фармат, як падвядзенне вынікаў працы за паўгоддзе, упершыню ўведзены ў адвакатуры. Кожнаму адвакату неабходна ведаць аб выніках працы не толькі сваёй калегіі, але і аб дзейнасці Міністэрства юстыцыі - рэгулятара ў сферы адвакатуры.

Сваё выступленне Мікалай Старавойтаў пачаў з Канцэпцыі прававой палітыкі Рэспублікі Беларусь, зацверджанай Указам Кіраўніка дзяржавы ў чэрвені бягучага года. Адной з мэт Канцэпцыі з'яўляецца далейшае развіццё прававой сістэмы.

Якасць, даступнасць і сацыяльная накіраванасць - тры ключавыя моманты, на якіх павінна грунтавацца адвакатура пры ўдасканаленні прававога рэгулявання.

Намеснік Міністра адзначыў, што якасць і даступнасць юрыдычнай дапамогі перш за ўсё залежыць ад прафесійна падрыхтаванага кадравага складу.

Правядзенне актыўнай работы па прыцягненню ў адвакатуру маладых і перспектыўных спецыялістаў павінна быць прыярытэтным напрамкам дзейнасці калегій адвакатаў. Пры гэтым падкрэслена, што патрабавальнасць пры адборы ў адвакатуру павінна заставацца высокай.

Таксама намеснік Міністра звярнуў увагу прысутных на безумоўнае выкананне заканадаўства аб зваротах грамадзян і юрыдычных асоб.

У заключэнне ён акцэнтаваў увагу на неабходнасць падтрымання высокага ўзроўню прафесіяналізму, захавання Правілаў прафесійнай этыкі, у тым ліку ў сацыяльных сетках.

4 жніўня 2023 г. намеснік Міністра юстыцыі прыняў удзел у пашыраным пасяджэнні Савета натарыусаў Гродзенскай абласной натарыяльнай палаты па падвядзенні вынікаў работы за 1-е паўгоддзе 2023 года.

У ходзе пасяджэння Мікалай Старавойтаў звярнуў увагу на цеснае ўзаемадзеянне натарыусаў з прадстаўнікамі органаў мясцовай улады ў аграгарадках з мэтай своечасовага апавяшчэння насельніцтва аб датах выездаў натарыусаў у сельскую мясцовасць і пытаннях, вырашэнне якіх уваходзіць у іх кампетэнцыю.

Намеснік Міністра засяродзіў увагу на перспектыве цыфравізацыі натарыята і ўчынення натарыяльных дзеянняў па экстэрытарыяльным прынцыпе, каб кожны грамадзянін або суб'ект гаспадарання мог учыніць любое натарыяльнае дзеянне незалежна ад свайго месца знаходжання.

У завяршэнні свайго выступлення Мікалай Старавойтаў адзначыў станоўчы вынік работы натарыусаў Гродзенскай вобласці.