Пытанні дзяржаўнай рэгістрацыі і ліквідацыі суб'ектаў гаспадарання разгледзелі на семінары ў Гомелі

Сёння на базе галоўнага ўпраўлення юстыцыі Гомельскага аблвыканкама на семінар па пытаннях дзяржаўнай рэгістрацыі і ліквідацыі суб'ектаў гаспадарання сабраліся спецыялісты рэгіструючых органаў з усіх куткоў Гомельскай вобласці.

З прывітальным словам да ўдзельнікаў семінара звярнуліся намеснік старшыні Гомельскага аблвыканкама Андрэй Канюшка, намеснік начальніка ўпраўлення Адзінага дзяржаўнага рэгістра юрыдычных асоб і індывідуальных прадпрымальнікаў Міністэрства юстыцыі Рэспублікі Беларусь Марына Кісель, першы намеснік начальніка галоўнага ўпраўлення юстыцыі аблвыканкама Андрэй Гуржы.

Гаворачы аб адным з важнейшых складальнікаў устойлівага развіцця эканомікі, Андрэй Канюшка адзначыў: «Сёння ў нас створаны ўсе ўмовы для хуткага пачатку свайго бізнесу. Максімальна скарочаны камплект дакументаў, якія прадстаўляюцца для рэгістрацыі, шырока прымяняюцца магчымасці адзінага дзяржаўнага рэгістра, які павінен весціся максімальна дакладна».

У сваю чаргу Марына Кісель больш падрабязна спынілася на палажэннях законапраекта ў сферы дзяржаўнай рэгістрацыі і ліквідацыі (спынення дзейнасці) суб'ектаў гаспадарання.

На семінары таксама гаварылі аб рабоце рэгіструючых органаў Гомельскай вобласці.

Даведачна: За 9 месяцаў 2023 года ў Гомельскай вобласці зарэгістравана больш за 500 юрыдычных асоб і каля 1800 індывідуальных прадпрымальнікаў.

Не засталіся па-за ўвагай праблемныя пытанні ў дзейнасці рэгіструючых органаў.

Удзельнікі семінара адзначылі, што такога кшталту сустрэчы дазваляюць выконваць пастаўленыя перад рэгіструючымі органамі задачы найбольш эфектыўнымі спосабамі.