Мерапрыемствы да Дня архівіста ў Дзяржаўным музеі гісторыі Вялікай Айчыннай вайны
6 кастрычніка ў Дзяржаўным музеі гісторыі Вялікай Айчыннай вайны адбыліся ўрачыстае мерапрыемства, прысвечанае Дню архівіста, і навукова-практычная канферэнцыя "Архівы - інстытут гістарычнай памяці". У мерапрыемствах прынялі ўдзел прадстаўнікі Федэральнага архіўнага агенцтва і кіраўнікі архіўных устаноў Расійскай Федэрацыі.
У канферэнц-зале музея ў ходзе ўрачыстай часткі начальнікам упраўлення справаводства і пратакольнай работы Апарата Савета Міністраў Рэспублікі Беларусь Наталляй Шасцілоўскай было зачытана віншаванне Прэм'ер-міністра Рэспублікі Беларусь Рамана Галоўчанкі.
«Сёння вам давераны ключы ад нашай шматвяковай гісторыі. Дзякуючы карпатлівай працы архівістаў збіраюцца і захоўваюцца неацэнныя дакументальныя матэрыялы аб гісторыі нашай Радзімы, у тым ліку аб тых, хто дзень за днём стварае гэту гісторыю, даецца магчымасць сутыкнуцца з мінулым”, - сказана ў віншаванні Кіраўніка Урада.
Архіўныя фонды ўнікальныя па сваім складзе, шырока выкарыстоўваюцца ў даследчай, практычнай дзейнасці навуковых, адукацыйных і культурных устаноў. Архіўныя дакументы - гэта бясцэнны крыніца інфармацыі. Дзякуючы імкліваму развіццю тэхналогій, новым формам захоўвання і выкарыстання дакументаў архівы захоўваюць каштоўную гістарычную памяць пакаленняў, што садзейнічае развіццю нацыянальнай культуры, самабытнасці, ідэнтычнасці, падкрэсліў Прэм'ер-міністр.
Раман Галоўчанка пажадаў усім работнікам архіўных устаноў здароўя і прафесійных перамог.
Віншаванне ад імя Міністра юстыцыі Сяргея Хаменкі зачытаў намеснік Міністра Алег Кот, які ўручыў архівістам ведамасныя ўзнагароды.
Алег Воінаў у сваю чаргу павіншаваў з прафесійным святам беларускіх архівістаў, уручыўшы Ганаровыя граматы і Падзякі лепшым работнікам галіны.
Кіраўнік Федэральнага архіўнага агенцтва Андрэй Артызаў таксама павіншаваў работнікаў архіваў Беларусі ад імя расейскіх архівістаў.
Пасля ўрачыстай часткі тут жа адбылася навукова-практычная канферэнцыя "Архівы - інстытут гістарычнай памяці".
Адкрыў канферэнцыю дырэктар Дэпартамента па архівах і справаводстве Алег Воінаў.
На канферэнцыі выступілі:
галоўны спецыяліст Расійскага дзяржаўнага архіва эканомікі Віктар Кандрашын з дакладам "Перспектыўныя тэмы дакументальнага асвятлення сацыяльна-эканамічнай гісторыі Расіі і Рэспублікі Беларусь";
загадчык аддзела публікацый Нацыянальнага архіва Рэспублікі Беларусь Святаслаў Кулінок з дакладам “Сумесная выдавецкая дзейнасць Нацыянальнага архіва Рэспублікі Беларусь і архіўных устаноў Расіі ў XXI стагоддзі: дасягненні і перспектывы”;
дырэктар Расійскага дзяржаўнага гістарычнага архіва Святлана Штукова з дакладам "Дзейнасць Цэнтральнага дзяржаўнага гістарычнага архіва ў Ленінградзе ў экстрэмальных умовах блакады";
дырэктар Усерасійскага навукова-даследчага інстытута дакументазнаўства і архіўнай справы Павел Кюнг з дакладам "Перспектывы камплектавання Архіўнага фонду Расійскай Федэрацыі электроннымі навукова-тэхнічнымі і кіна-фота-фонадакументамі: праблемы і шляхі вырашэння";
вядучы навуковы супрацоўнік Беларускага навукова-даследчага інстытута дакументазнаўства і архіўнай справы Міхаіл Шумейка з дакладам "Узаемадзеянне архіваў, музеяў і бібліятэк у справе захавання сацыяльнай памяці чалавецтва".
Кіраўнікі архіўных службаў Рэспублікі Беларусь і Расійскай Федэрацыі Алег Воінаў і Андрэй Артызаў, а таксама члены дэлегацый дзвюх краін усклалі кветкі ля стэлы "Мінск - горад-герой".
