Міністэрствам юстыцыі зарэгістравана Аўдытарская палата.

Рашэннем Міністэрства юстыцыі Рэспублікі Беларусь ад 6 снежня 2019 г. зарэгістравана Аўдытарская палата.

Дадзеная палата створана ў адпаведнасці з Законам Рэспублікі Беларусь ”Аб аўдытарскай дзейнасці“.

Мэтамі дзейнасці Аўдытарскай палаты з’яўляюцца:

  • аб’яднанне на прафесійнай аснове аўдытарскіх арганізацый, аўдытараў – індывідуальных прадпрымальнікаў, аўдытараў для выканання імі ўскладзеных на іх Законам Рэспублікі Беларусь ”Аб аўдытарскай дзейнасці“ абавязкаў, а таксама абарона правоў і прафесійных інтарэсаў сваіх членаў;

  • забеспячэнне грамадскай зацікаўленасці ў аўдытарскай прафесіі шляхам садзейнічання членам Аўдытарскай палаты ў ажыццяўленні прафесійнай дзейнасці ў галіне аўдытарскіх і прафесійных паслуг, адукацыі і павышэння кваліфікацыі, а таксама шляхам ажыццяўлення незалежнай знешняй ацэнкі якасці працы аўдытарскіх арганізацый, аўдытараў – індывідуальных прадпрымальнікаў на прадмет адпаведнасці патрабаванням заканадаўства, міжнародных стандартаў аўдытарскай дзейнасці;

  • садзейнічанне развіццю заканадаўства ў галіне ажыццяўлення аўдытарскай дзейнасці, аказанне прафесійных паслуг і павышэнне прэстыжу аўдытарскай прафесіі, умацаванне прававых асноў аўдытарскай дзейнасці, садзейнічанне стварэнню спрыяльнага бізнэс-асяроддзя ў Рэспубліцы Беларусь.

уверх