У Міністэрстве юстыцыі адбылася сустрэча з Прадстаўніком Упраўлення Вярхоўнага камісара ААН па справах бежанцаў у Рэспубліцы Беларусь

25 кастрычніка 2018 года Міністэрства юстыцыі наведалі супрацоўнікі Упраўлення Вярхоўнага камісара ААН па справах бежанцаў (УВКБ ААН) у Рэспубліцы Беларусь.

У ходзе дыскусіі Прадстаўнік УВКБ ААН Жан-Іў Бушардзі пазначыў найбольш актуальныя напрамкі дзейнасці дадзенай установы сістэмы ААН у Рэспубліцы Беларусь. У прыватнасці, была прадстаўлена інфармацыя аб рабоце УВКБ, прысвечанай прасоўванню далучэння Рэспублікі Беларусь да шэрагу міжнародных дагавораў у сферы абароны правоў асоб без грамадзянства.

Бакі абмеркавалі перспектывы развіцця двухбаковага супрацоўніцтва паміж Міністэрствам юстыцыі і УВКБ ААН, у тым ліку ў рамках Міжнароднай канферэнцыі па пытаннях безграмадзянства, правядзенне якой запланавана на снежань 2018 года.

уверх