Міністэрствам юстыцыі вызначаны лепшыя ў галіне дзяржаўнай рэгістрацыі і ліквідацыі юрыдычных асоб і індывідуальных прадпрымальнікаў

Сфера рэгістрацыі бізнесу ў Беларусі ўвесь час развіваецца. Паводле апошняй справаздачы Сусветнага банка «Вядзенне бізнесу - 2020» па паказчыку «Рэгістрацыя прадпрыемстваў» Рэспубліка Беларусь займае 30-е месца ў свеце.

За 2019 год зарэгістравана больш за 48 тыс. суб'ектаў гаспадарання, што на 4% больш, чым у 2018 годзе. Па-ранейшаму назіраецца рост электронных паслуг, якія прадстаўляюцца ў сферы рэгістрацыі і ліквідацыі суб'ектаў гаспадарання.

Міністэрствам юстыцыі штогод праводзяцца конкурсы «Лепшы рэгіструючы орган Рэспублікі Беларусь» і «Лепшы спецыяліст рэгіструючага органа Рэспублікі Беларусь», у якіх па выніках мінулага года прынялі ўдзел 154 рэгіструючых органа і 213 іх спецыялістаў.

Па выніках конкурсу вызначаны лепшыя ў галіне дзяржаўнай рэгістрацыі і ліквідацыі юрыдычных асоб і індывідуальных прадпрымальнікаў.

У намінацыі «Лепшы рэгіструючы орган Рэспублікі Беларусь» перамаглі:

  • адміністрацыя Чыгуначнага раёна г. Гомеля;

  • Гродзенскі аблвыканкам.

Званне лепшага спецыяліста рэгіструючага органа прысвоена:

  • Семяновіч Аксане Віктараўне - галоўнаму спецыялісту аддзела эканомікі Нясвіжскага райвыканкама;

  • Ганенко Эльвірэ Віктараўне - галоўнаму спецыялісту аддзела рэгістрацыі юрыдычных асоб галоўнага ўпраўлення юстыцыі Брэсцкага аблвыканкама.

Пераможцам конкурсаў уручаны дыпломы і каштоўныя падарункі.
уверх