Аб правядзенні семінара для грамадскіх аб’яднанняў, зарэгістраваных у 2018-2019 г.г.

Міністэрствам юстыцыі Рэспублікі Беларусь 29 сакавіка 2019 года праведзены семінар для грамадскіх аб’яднанняў, зарэгістраваных у 2018-2019 г.г.

У семінары прынялі ўдзел больш за 40 прадстаўнікоў нядаўна створаных рэспубліканскіх і мясцовых грамадскіх аб’яднанняў.

Таксама на семінар былі запрошаны прадстаўнікі Міністэрства па падатках і зборах Рэспублікі Беларусь, Міністэрства працы і сацыяльнай абароны Рэспублікі Беларусь.

Супрацоўнікі дзяржаўных органаў выступілі па найбольш актуальных пытаннях заканадаўства, звярнулі ўвагу прадстаўнікоў грамадскіх аб’яднанняў на найбольш адметныя парушэнні і недахопы, якія дапускаюцца ў ходзе ажыццяўлення грамадскімі аб’яднаннямі сваёй дзейнасці. Былі закрануты актуальныя пытанні дзейнасці грамадскіх аб’яднанняў, пытанні арганізацыі справаводства, рэгулявання працоўнай дзейнасці, падаткаабкладання некамерцыйных арганізацый і інш. Прадстаўнікі дзяржаўных органаў адказалі на пытанні ўдзельнікаў семінара.

Таксама да ўвагі прысутных даведзена інфармацыя, звязаная з прадухіленнем легалізацыі даходаў, атрыманых злачынным шляхам, фінансавання тэрарыстычнай дзейнасці і фінансавання распаўсюджвання зброі масавага паражэння.

На семінары прадстаўнікі грамадскіх аб’яднанняў падзяліліся вопытам і прынялі ўдзел у абмеркаванні праблем, якія ўзнікаюць пры ажыццяўленні імі сваёй дзейнасці, у тым ліку ва ўзаемаадносінах з дзяржаўнымі органамі і іншымі арганізацыямі.

Рэспубліканскае грамадскае аб’яднанне «Людзі ПЛЮС», Беларускае грамадскае аб’яднанне спецыялістаў у галіне штучнага інтэлекту прадставілі свае прэзентацыі, у якіх паведамілі ўдзельнікам семінара аб ажыццяўляемай дзейнасці, дасягнутых поспехах, праблемах, з якімі сутыкнуліся, і шляхах іх рашэння.