Права на службу людзям – Міністэрства юстыцыі запрашае ўсіх на рэспубліканскую акцыю па прававой асвеце

20 снежня 2019 года ў 13 гадз. 00 хвіл. у цэнтральным атрыуме ГЦ “Сталіца” (г. Мінск, праспект Незалежнасці, 3-2) будзе дадзены старт рэспубліканскай акцыі «Права на службу людзям».

         Арганізатары мерапрыемства: Міністэрства юстыцыі Рэспублікі Беларусь, ТАА «Юрспектр», Нацыянальны цэнтр прававой інфармацыі, а таксама Беларуская натарыяльная палата, Беларуская рэспубліканская калегія адвакатаў, Міністэрства па падатках і зборах, Міністэрства антыманапольнага рэгулявання і гандлю, Дзяржаўны камітэт па маёмасці, Нацыянальны банк, Міністэрства жыллёва-камунальнай гаспадаркі, Цэнтр «Медыяцыя і права», Цэнтр медыяцыі і перагавораў.

         Акцыя накіравана на павышэнне прававой культуры насельніцтва, забеспячэння даступнасці прававой інфармацыі і ўключае:        

  • тэматычныя зоны прадстаўленасці арганізатараў;

  • інтэрактыўныя прававыя конкурсы і віктарыны;

  • бясплатнае юрыдычнае кансультаванне для шматдзетных сем'яў і сем'яў, якія выхоўваюць дзяцей-інвалідаў.

         Адвакаты, натарыусы, медыятары, работнікі органаў загса, судовыя выканаўцы з 13.00 да 16.00 правядуць бясплатныя індывідуальныя юрыдычныя кансультацыі (будзе арганізавана больш за 10 зон кансультацый).

         Акрамя гэтага, у рамках акцыі будзе прадстаўлены праект “Юрыдычная клініка БДУ”, дзе прававую кансультацыю могуць атрымаць усе жадаючыя студэнты і навучэнцы, а таксама іншыя катэгорыі грамадзян.

         Медыятары на практыцы пакажуць і раскажуць пра тое, што такое медыятыўнае пагадненне, і як гэта працуе. На “лаўцы прымірэння”, якая ўсталявана ў ГЦ “Сталіца”, з дапамогай медыятара ўсе жадаючыя могуць безканфліктна вырашыць любыя спрэчкі.

         Праект “Права на службу людзям” рэалізуецца ў Беларусі з 2014 года, штогод у рамках дадзенай акцыі распаўсюджваюцца па ўсёй краіне буклеты па актуальных для грамадзян прававых пытаннях.

         У 2019 годзе буклеты выдадзены па наступных тэмах:

  • Як судовыя выканаўцы інфармуюць аб наяўнасці запазычанасці?

  • Медыяцыя ў сферы шлюбна-сямейных адносін.

  • Стаць фермерам проста. Як атрымаць зямлю пад фермерскую гаспадарку?

  • Экспертыза дакладнасці ацэнкі кошту маёмасці.

  • Правільная ацэнка – сумленная здзелка.

  • Дзяржаўная нерухомасць для бізнесу – гэта ажыццяўляльная мара.

  • Зварот за дзяржаўнай рэгістрацыяй нерухомай маёмасці: тэрміны і наступствы.

  • Інтэрнэт-крама.

  • Правы спажыўца.

  • Электронныя сэрвісы падаткавых органаў.

  • Асабісты кабінет плацельшчыка.

  • Што трэба ведаць фізічнай асобе пры атрыманні паслуг у банку.

  • Твой асабісты кабінет МСІ.

  • Перавага натарыяльнага засведчання здзелкі з нерухомай маёмасцю.

  • Прадстаўленне электронных дакументаў для дзяржаўнай рэгістрацыі натарыусам.

  • Новае ў Працоўным заканадаўстве.

  • Своечасовы зварот да адваката – гарантыя поспеху.

  • Дзяржава падтрымае грамадзян пры ўцяпленні дамоў.

уверх