Акцыі па бясплатнаму юрыдычнаму кансультаванню, прымеркаваныя да Дня Канстытуцыі Рэспублікі Беларусь, прайдуць у краіне

У органах юстыцыі, ва ўсіх адвакацкіх утварэннях, натарыяльных канторах і бюро краіны напярэдадні Дня Канстытуцыі Рэспублікі Беларусь пройдуць акцыі па аказанні бясплатнай прававой дапамогі грамадзянам.

13 сакавіка 2020 года на базе галоўных упраўленняў юстыцыі аблвыканкамаў і Мінскага гарвыканкама прыёмы правядуць спецыялісты ўпраўленняў, адвакаты, натарыусы, судовыя выканаўцы, работнікі органаў загса.

У Брэсце з 14.00 да 16.00 гадзін можна атрымаць бясплатныя кансультацыі па адрасе: вул. Міцкевіча, д. 3. 

У Віцебску акцыя пройдзе з 10.00 да 12.00 па адрасе: вул. Праўды, 18, каб.19. 

У Гомелі бясплатна пракансультуюць з 10.00 да 13.00 гадзін у галоўным упраўленні юстыцыі Гомельскага аблвыканкама (вул. Фрунзэ, 6).

У Гродне і Гродзенскай вобласці супрацоўнікі органаў прымусовага выканання, спецыялісты аддзелаў запісаў актаў грамадзянскага стану, адвакаты і натарыусы акажуць бясплатную юрыдычную дапамогу па месцы знаходжання адпаведных службаў, у тым ліку па адрасе: вул. Ажэшка, 3. 

У Мінскай вобласці – з 11.00 да 13.00 кансультацыі па розных прававых пытаннях будуць арганізаваны ў фармаце «прамых тэлефонных ліній». 

У Магілёве акцыя пройдзе з 10.00 да 12.00 па двух адрасах: вул. Першамайская, 71, каб. 544 – па пытаннях дзейнасці галоўнага ўпраўлення юстыцыі; вул. Першамайская, 77, каб. 222 – па пытаннях дзейнасці органаў прымусовага выканання. 

У сталіцы – з 10.00 да 13.00 ва ўпраўленні рэгістрацыі і ліцэнзавання галоўнага ўпраўлення юстыцыі Мінгарвыканкама (пр-т Пушкіна, 42). 

Акрамя гэтага, 13 сакавіка 2020 года натарыусы Беларусі будуць кансультаваць бясплатна. Удзел у рэспубліканскай дабрачыннай акцыі прымуць усе натарыяльныя канторы і натарыяльныя бюро нашай краіны.

У ходзе бясплатнага кансультавання грамадзяне і прадстаўнікі юрыдычных асоб могуць атрымаць адказы на пытанні, якія іх цікавяць і адносяцца да кампетэнцыі натарыуса, у тым ліку афармленне спадчынных правоў, складанне завяшчанняў, шлюбных дагавораў, адчужэнне нерухомасці, здзяйсненне выканаўчых надпісаў, прадастаўленне электронных дакументаў для дзяржаўнай рэгістрацыі юрыдычных асоб або індывідуальных прадпрымальнікаў або ўнясення змяненняў у статут (ўстаноўчы дагавор) натарыусам, забеспячэнне пісьмовых доказаў.

Поўны спіс натарыяльных кантор і натарыяльных бюро, а таксама час іх працы можна ўдакладніць на сайце Беларускай натарыяльнай палаты, у раздзеле «Знайсці натарыуса». 

У гэты ж дзень бясплатныя кансультацыі маламаёмных грамадзян пройдуць ва ўсіх адвакацкіх утварэннях краіны. Адвакаты растлумачаць дзеючае заканадаўства ў галіне працоўнага, грамадзянскага, сямейнага і жыллёвага права.

Дадатковую інфармацыю можна атрымаць на сайце Беларускай рэспубліканскай калегіі адвакатаў.

Міністэрства юстыцыі адзначае папулярнасць і запатрабаванасць акцый па бясплатнаму кансультаванню сярод грамадзян нашай краіны.

У 2020 годзе аналагічныя акцыі запланаваны ў рамках святкавання Дня Перамогі, Дня Незалежнасці Рэспублікі Беларусь, Дня маці і Дня юрыста, а таксама ў сувязі з Днём утварэння адвакатуры Беларусі і Дня пажылых людзей.

уверх