Міністэрства юстыцыі абмеркавала з кітайскім бокам актуальныя пытанні па напрамках дзейнасці

У Рэспубліцы Беларусь з візітам знаходзіцца член партыйнай групы Міністэрства прамысловасці і інфарматызацыі Кітая, кіраўнік групы па праверцы і наглядзе за дысцыплінай Цэнтральнай камісіі па праверцы дысцыпліны Дзяржаўнай кантрольнай камісіі ў Міністэрстве прамысловасці і інфарматызацыі Кітайскай Народнай Рэспублікі Е Мінь.

19 кастрычніка 2023 г. адбылася сустрэча першага намесніка Міністра юстыцыі Наталлі Філіпавай і намесніка Міністра юстыцыі Алега Ката з дэлегацыяй Кітая.

Бакі абмяняліся вопытам па пытаннях нарматыўна-прававога рэгулявання процідзеяння карупцыі, праходжання дзяржаўнай службы, умоў вядзення бізнесу.

Прадстаўнікі Беларусі і Кітая адзначылі высокія перспектывы развіцця нацыянальных суб'ектаў гаспадарання і неабходнасць належнага прававога забеспячэння цыфравізацыі аказання паслуг па рэгістрацыі бізнесу.

Па выніках сустрэчы ўдзельнікі падзякавалі адзін аднаму за абмен вопытам і выказалі надзею на прадаўжэнне работы па напрамках, якія ўяўляюць узаемную цікавасць.