Архівы як мост сяброўства паміж краінамі ШАС

Пад такой назвай сёння ў фармаце відэаканферэнцыі адбыўся круглы стол, арганізаваны Міністэрствам юстыцыі Рэспублікі Узбекістан і Агенцтвам "Узархіў" для прадстаўнікоў архіўных устаноў дзяржаў - удзельніц Шанхайскай арганізацыі супрацоўніцтва. Мерапрыемства было прымеркавана да Міжнароднага дня архіваў, які адзначаецца 9 чэрвеня.

У рабоце круглага стала прынялі ўдзел Міністры юстыцыі Рэспублікі Беларусь і Рэспублікі Узбекістан, службовыя асобы МЗС Узбекістана, кіраўнікі архіваў Індыі, Пакістана, Казахстана, Беларусі, Кіргізіі, Расіі, Таджыкістана і Узбекістана.

У сваім прывітальным слове Сяргей Хаменка падзякаваў арганізатарам за магчымасць прыняць удзел у рабоце круглага стала. Адзначыў, што на сённяшні дзень сумесна з дзяржавамі - удзельніцамі СНД вядзецца актыўнае супрацоўніцтва па стварэнню сумесных праектаў у сферы выставачнай і выдавецкай дзейнасці ў разрэзе агульнай гісторыі нашых краін. Міністр юстыцыі абазначыў цікавыя вектары ўзаемадзеяння архіўных устаноў у рамках Шанхайскай арганізацыі супрацоўніцтва.

«Рэспубліка Беларусь выконвае ўсе прадугледжаныя працэдуры па далучэнні да ШАС. Удзел у сённяшнім мерапрыемстве пацвярджае нашу гатоўнасць актыўна працаваць на пляцоўках Арганізацыі», - падкрэсліў Сяргей Хаменка.

У рамках круглага стала таксама выступілі кіраўнікі архіўных службаў прадстаўленых краін.

Дырэктар Дэпартамента па архівах і справаводстве Алег Воінаў у сваім дакладзе асвятліў ключавыя напрамкі дзейнасці беларускіх архівістаў. Азнаёміў з новымі пілотнымі праектамі ў галіне інфармацыйна-асветніцкай дзейнасці: "Адкрыты кінаархіў", "Гарады Беларусі", акцыяй "Архівы - Школе", "Юны архівіст".

Кіраўнік архіўнай галіны выказаў гатоўнасць азнаёміць усіх жадаючых з вопытам беларускіх архіваў у арганізацыі названых праектаў і выступіў з прапановай, каб гэтыя праекты атрымалі развіццё спачатку ў рамках двухбаковага супрацоўніцтва, а ў далейшым выйшлі на шматбаковы міжнародны ўзровень з прыцягненнем патэнцыялу краін-удзельнікаў, тым самым духоўна. узбагачаючы і аб'ядноўваючы народы.

Удзельнікі круглага стала адзначылі неабходнасць канструктыўнага дыялога ў галіне развіцця архіўнай справы, абмену вопытам у сферы развіцця архіўнага заканадаўства, прадаўжэння міжнароднага супрацоўніцтва ў рамках выдавецкай і выставачнай дзейнасці.

Ад Рэспублікі Узбекістан паступіла прапанова аб штогадовым (у пачатку чэрвеня) правядзенні круглых сталоў з удзелам кіраўнікоў архіўных службаў дзяржаў-членаў Шанхайскай арганізацыі супрацоўніцтва. Гэта ініцыятыва была падтрымана ўсімі ўдзельнікамі сённяшняга мерапрыемства.