Аб падаўжэнні тэрміну дзеяння дакументаў

У сувязі з выданнем Указа Прэзідэнта Рэспублікі Беларусь ад 19 мая 2020 г. № 172 «О продлении срока действия документов», а таксама прыняццем пастановы Савета Міністраў Рэспублікі Беларусь ад 20 мая 2020 г. № 299 «О документах, срок действия которых продлевается» выдадзеныя фізічным і юрыдычным асобам дакументы, тэрмін дзеяння якіх скончыўся альбо заканчваецца ў перыяд з 30 красавіка па 31 ліпеня 2020 г., будуць сапраўдныя яшчэ 3 месяцы.

Пералік канкрэтных дакументаў і рашэнняў, тэрмін па якіх аўтаматычна падоўжаны Указам № 172, вызначаны пастановай № 299.

Сярод такіх дакументаў, у прыватнасці, наступныя:

  • даведка аб знаходжанні на ўліку для паляпшэння жыллёвых умоў;

  • даведка аб займаемым жылым памяшканні і складзе сям’і;

  • даведка аб месцы жыхарства і складзе сям’і;

  • копія асабовага рахунку;

  • рашэнне аб назначэнні дапамогі па догляду дзіцяці-інваліда ва ўзросце да 18 гадоў;

  • заключэнне УКК, МРЭК;

  • даведка аб стане здароўя;

  • дазвольная дакументацыя на будаўніцтва аднакватэрнага, блакіраванага жылога дома;

  • пашпарт грамадзяніна Рэспублікі Беларусь;

  • від на жыхарства ў Рэспубліцы Беларусь;

  • дакументы аб запрашэнні замежных грамадзян і асоб без грамадзянства;

  • дазвол на права займацца працоўнай дзейнасцю ў Рэспубліцы Беларусь замежнаму грамадзяніну;

  • вадзіцельскае пасведчанне;

  • дакумент аб дзяржаўнай рэгістрацыі транспартнага сродку;

  • дазвол на набыццё грамадзянскай зброі;

  • допуск да здачы практычнага экзамену на права кіравання механічным транспартным сродкам.

Таксама прадоўжаны тэрмін дзеяння асобных дакументаў у сферы аховы аб’ектаў прамысловай уласнасці, заключэння дзяржаўнай экспертызы па горадабудаўнічаму, архітэктурным праекце, дазволу на размяшчэнне сродку вонкавай рэкламы, набыццё і захоўванне зброі, сертыфікаты прадукцыі (тавараў, паслуг), шэраг іншай дазвольнай дакументацыі, у тым ліку на ўвоз і вываз пэўных тавараў.

 З Указа № 172 вынікае, што ў грамадзян і юрыдычных асоб адсутнічае абавязак звяртацца ва ўпаўнаважаны орган за выдачай новых дакументаў і рашэнняў, калі тэрмін іх дзеяння скончыўся альбо заканчваецца ў перыяд з 30 красавіка па 31 ліпеня 2020 г. Уладальнікі маюць права карыстацца наяўнымі ў іх дакументамі яшчэ на працягу трох месяцаў. Так, да прыкладу, калі ў грамадзяніна тэрмін дзеяння пашпарта скончыўся 15 мая 2020 г., то ён будзе сапраўдны яшчэ да 15 жніўня 2020 г.

Важна адзначыць, што ў сілу пастановы № 299 аўтаматычнае падаўжэнне тэрміну дзеяння дакументаў і рашэнняў не перашкаджае грамадзянам і прадстаўнікам юрыдычных асоб звярнуцца ў упаўнаважаны орган. У такім выпадку ўпаўнаважаны орган абавязаны разгледзець заяву ў звычайным парадку, устаноўленым дзеючым заканадаўствам, і выдаць адпаведны дакумент.

У далейшым у парадку, устаноўленым заканадаўствам, заяўнікі пры неабходнасці павінны звяртацца загадзя ва ўпаўнаважаны орган за выдачай новых дакументаў, тэрмін дзеяння па якіх падоўжаны.

уверх