Гендырэктар РУП "БелЮрЗабеспячэнне" наведаў Гомельскі філіял прадпрыемства

24 мая 2023 года адбыўся рабочы візіт генеральнага дырэктара рэспубліканскага унітарнага прадпрыемства па аказанні паслуг "БелЮрЗабеспячэнне" Валерыя Дашкоўскага ў Гомельскі філіял прадпрыемства. Сумесна з начальнікам галоўнага ўпраўлення юстыцыі Гомельскага аблвыканкама Арцёмам Камалыевым кіраўнік прадпрыемства азнаёміўся з умовамі працы работнікаў і станам матэрыяльна-тэхнічнай базы філіяла.

У рамках праведзенай нарады генеральны дырэктар прадпрыемства ацаніў дастатковасць мер, прынятых для дасягнення ўстаноўленых фінансава-эканамічных паказчыкаў, даў даручэнні па павелічэнні ступені ўцягнутасці ў работу сістэмы Міністэрства юстыцыі, а таксама адзначыў безумоўнасць забеспячэння высокай якасці паслуг па ацэнцы і рэалізацыі арыштаванай маёмасці. Валерый Уладзіміравіч адзначыў важнасць якаснага і своечасовага выканання задач і даручэнняў, пастаўленых кіраўніцтвам прадпрыемства.

За высокі прафесіяналізм і добрасумленнае стаўленне да выканання службовых абавязкаў падзяка дзяржаўнага прадпрыемства "БелЮрЗабеспячэнне" аб'яўлена начальніку аддзела рэалізацыі і ацэнкі маёмасці Яўгену Даманікаву, вядучаму спецыялісту па продажы Аляксандру Жалезнякову, спецыялісту па продажы Сяргею Гардзеенку.