Адкрыццё магазіна рознічнага гандлю РУП "БелЮрЗабеспячэнне" адбылося ў г.Гродна.

16 жніўня 2023 года адбылося ўрачыстае адкрыццё магазіна рознічнага гандлю ў г. Гродна. У мерапрыемстве прынялі ўдзел начальнік Галоўнага ўпраўлення юстыцыі Гродзенскага аблвыканкама Алена Юргель, начальнік аддзела ідэалагічнай работы і па справах моладзі Гродзенскага гарвыканкама Уладзімір Сацюк, супрацоўнікі філіяла і жыхары горада.

Чырвоную стужку з нагоды адкрыцця новага гандлёвага аб'екта перарэзалі Алена Юргель і дырэктар Гродзенскага філіяла Канстанцін Пянткоўскі.

Падчас інтэрв'ю тэлеканалу "Гродна+" Алена Іванаўна падкрэсліла, што адкрыццё гэтага аб'екта будзе садзейнічаць больш якаснаму ўзаемадзеянню органаў прымусовага выканання і дзяржаўнага прадпрыемства "БелЮрЗабеспячэнне".