Інфармацыйныя тэхналогіі і прававая асвета грамадзян. Вызначаны прыярытэты ў рабоце сталічных натарыусаў.

31 ліпеня 2023 года начальнік упраўлення натарыята і загсаў Таццяна Сашчэка прыняла ўдзел у пашыраным пасяджэнні Савета натарыусаў Мінскай гарадской натарыяльнай палаты па падвядзенні вынікаў работы за першае паўгоддзе 2023 года.

У ходзе сустрэчы Таццяна Сашчэка ўдзяліла асаблівую ўвагу пытанням належнай арганізацыі натарыяльнай дзейнасці, раўнамернасці размеркавання нагрузкі, якаснаму натарыяльнаму абслугоўванню і выкарыстанню сучасных інфармацыйных тэхналогій.

У сваім выступленні яна акцэнтавала ўвагу прысутных на недапушчэнне парушэння тэрмінаў і правіл афармлення дакументаў, якія ўтварыліся ў выніку дзейнасці натарыусаў.

Падводзячы вынікі пасяджэння, начальнік упраўлення абазначыла прынцыпы дзейнасці ў сферы прававой асветы грамадзян, прыярытэтнымі сярод якіх павінны стаць сістэматычнасць і разнастайнасць форм гэтай работы.