Навучальны занятак для супрацоўнікаў нарматворчых падраздзяленняў Міністэрства юстыцыі

5 кастрычніка 2023 г. для кіраўнікоў і спецыялістаў нарматворчых падраздзяленняў Міністэрства юстыцыі адбыўся навучальны занятак. Мэтай мерапрыемства стала абмеркаванне праблемных пытанняў, якія ўзнікаюць пры разглядзе праектаў нарматыўных прававых актаў рознай юрыдычнай сілы.

Заняткі праводзіліся пад кіраўніцтвам першай намесніка Міністра юстыцыі Наталлі Філіпавай, якая давяла асноўныя патрабаванні ў сферы падрыхтоўкі праектаў і адзначыла важнасць правядзення такіх сустрэч для павышэння якасці адпрацоўкі дакументаў, аднастайнага разумення нарматворчых правіл і працэдур і забеспячэння пераемнасці.

Падчас заняткаў перад калегамі выступілі прадстаўнікі асобных нарматворчых падраздзяленняў. Адбылося актыўнае абмеркаванне актуальных пытанняў па фармуляванні нарматыўных прадпісанняў у праектах заканадаўчых актаў і актаў Урада, рэалізацыі банкаўскага, шлюбнага і сямейнага заканадаўства, заканадаўства ў сферы кантрольнай (нагляднай) дзейнасці, грамадзянскіх ініцыятыў.

На заканчэнне сустрэчы Наталля Мікалаеўна адзначыла, што правядзенне такіх заняткаў - мера, накіраваная на павышэнне ўзроўню прафесійных ведаў супрацоўнікаў, абмен вопытам з маладымі спецыялістамі, і будзе ажыццяўляцца на рэгулярнай аснове.