Абноўленую службу «адно акно» плануецца адкрыць у Брэсце

13 кастрычніка прадоўжыўся рабочы візіт першага намесніка Міністра юстыцыі Наталлі Філіпавай у Брэсцкі рэгіён. Асабліва пільная ўвага нададзена дзейнасці службаў "адно акно" абласнога цэнтра і Брэсцкага раёна.

На сустрэчы са старшынёй Брэсцкага гарадскога выканаўчага камітэта Сяргеем Лабадзінскім абмеркавана праектнае рашэнне і дасягнута дамоўленасць аб хуткім адкрыцці ў Брэсце абноўленай службы "адно акно" з сучасным абсталяваннем.

У рамках рабочай паездкі праведзены маніторынг службаў "адно акно" адміністрацый Ленінскага і Маскоўскага раёнаў г. Брэста, Брэсцкага гарадскога і раённага выканаўчых камітэтаў.

Не застаўся без увагі і калектыў галоўнага ўпраўлення юстыцыі Брэсцкага абласнога выканаўчага камітэта. На сустрэчы з калектывам першы намеснік Міністра давяла асноўныя задачы па напрамках дзейнасці, дала ацэнку рабоце службаў і падраздзяленняў.

Па словах Наталлі Філіпавай, сёлета зроблены "вялікі крок наперад" у галіне цыфравізацыі. Лічбавізацыя ўмацоўвае якасць жыцця. Любая галіна працята адміністрацыйнымі працэдурамі. Мы працуем на вынік, і гэты вынік бачны.