Колькасць дакументаў, якія прадстаўляюцца грамадзянамі для ажыццяўлення адмінпрацэдур, скароцяць. Зменяцца таксама і тэрміны іх ажыццяўлення

5 ліпеня на пляцоўцы Міністэрства юстыцыі адбылося чарговае пасяджэнне рабочай групы па выпрацоўцы новых падыходаў да рэгулявання гаспадарчай дзейнасці ў складзе падгрупы, якая разглядае адміністрацыйныя працэдуры ў адносінах да грамадзян.

Прадметам абмеркавання сталі пытанні аптымізацыі асобных адміністрацыйных працэдур, якія ажыццяўляюцца ў адносінах да грамадзян, парадак рэгулявання якіх адносіцца да вядзення Міністэрства ўнутраных спраў, Міністэрства працы і сацыяльнай абароны, Міністэрства архітэктуры і будаўніцтва.

У выніку абмеркавання выпрацавана ўзгодненае рашэнне аб скарачэнні шэрага дакументаў, якія неабходна прадстаўляць грамадзяніну для ажыццяўлення адміністрацыйных працэдур, а таксама аб карэкціроўцы тэрмінаў іх ажыццяўлення.

Асобная ўвага ўдзелена рабоце, якая праводзіцца названымі дзяржаўнымі органамі, па стварэнню ўмоў для ажыццяўлення адміністрацыйных працэдур на адзіным партале электронных паслуг.