Аб выніках пасяджэння Кваліфікацыйнай камісіi па пытаннях адвакацкай дзейнасці ў Рэспубліцы Беларусь

19 мая 2022 г. Кваліфікацыйнай камісіяй па пытаннях адвакацкай дзейнасці ў Рэспубліцы Беларусь праведзена чарговая атэстацыя адвакатаў Брэсцкай абласной (Сцельмашук Л.В.), Гродзенскай абласной (Бiрылава А.Ю.), Магілёўскай абласной (Дзяменцьева М.В., Касцюка Р.Л.), Мінскай гарадской (Качанова Ю.А., Невядоўскага А.А., Папкоўскага А. I.) калегій адвакатаў.

Таксама праведзена пазачарговая атэстацыя адвакатаў Брэсцкай абласной (Каласоўскай I.М., Лебедзева В.Л., Раўнейка В.I.) і Магілёўскай абласной (Бараноўскага А.Г.) калегій адвакатаў.

Падставай для правядзення пазачарговай атэстацыі паслужылі факты неналежнага выканання адвакатамі сваіх прафесійных абавязкаў, выяўленыя ў ходзе выбарачных праверак дзейнасці адвакатаў і юрыдычных кансультацый Брэсцкай, Магілёўскай абласных калегій адвакатаў.

Асноўнымі задачамі атэстацыі адвакатаў з'яўляюцца: ацэнка ведаў адвакатам заканадаўства; прытрымліванне адвакатам заканадаўства аб адвакатуры; ацэнка дзелавых і асобасных якасцей адваката; вызначэнне магчымасці выканання адвакатам сваіх прафесійных абавязкаў у выпадку выяўлення фактаў, якія сведчаць аб яго недастатковай кваліфікацыі.

У ходзе атэстацыі асобныя адвакаты паказалі нездавальняючы ўзровень ведаў дзеючага заканадаўства, які неабходны для ажыццяўлення адвакацкай дзейнасці, што сведчыць аб іх недастатковай кваліфікацыі.

Па выніках атэстацыі Кваліфікацыйнай камісіяй прыняты рашэннi:

аб адпаведнасці адвакатаў Дзяменцьева М.В., Касцюка Р.Л.,  Невядоўскага А.А. патрабаванням заканадаўства;

аб няпоўнай адпаведнасці адвакатаў Бiрылава А.Ю., Каласоўскай I.М., Качанава Ю.А., Папкоўскага А.I. патрабаванням заканадаўства з адтэрміноўкай атэстацыі на шэсць месяцаў пры ўмове выканання рэкамендацый Кваліфікацыйнай камісіі, у тым ліку аб праходжанні адвакатамi павышэння кваліфікацыі;

аб немагчымасці выканання адвакатамі Бараноўскiм А.Г., Лебедзевым В.Л., Сцельмашук Л.В. сваіх прафесійных абавязкаў з прычыны недастатковай кваліфікацыі.

Кваліфікацыйнай камісіяй таксама прыняты рашэннi аб спыненні дзеяння ліцэнзій ў дачыненні:

Кавалёвай I.В., Колесавай-Гудзiлiнай М.А., Касцюка I.А., Мяцелiца Н.Н., Савастьянчыка В.А., Шляхто У.А.– у сувязі з прынятымi 21 красавіка 2022 г. Кваліфікацыйнай камісіяй рашэннямi аб немагчымасці выканання адвакатамi сваіх прафесійных абавязкаў з прычыны недастатковай кваліфікацыі;

Атаманчука А.М. – у сувязі з прымяненнем да яго дысцыплінарнага спагнання ў выглядзе выключэння з Мінскай абласной калегіі адвакатаў за ўчыненне правіннасцей, несумяшчальных са званнем адваката.