Першы намеснік Міністра юстыцыі Сяргей Задзіран прыняў удзел у форуме #GBCregions

Цыкл рэгіянальных лічбавых форумаў #GBCregions (Дзяржава. Бізнес. Грамадзяне – рэгіёны) праходзіць па ўсёй Беларусі. 16 верасня дыялогавай пляцоўкай форму стаў г. Гомель, – эксперты абмяркоўвалі пытанні абароны інфармацыі, развіцця інфраструктуры электроннага ўрада і рэалізуемыя дзяржорганамі і арганізацыямі праекты ў сферы інфармацыйна-камунікацыйных тэхналогій.

Першы намеснік Міністра юстыцыі Сяргей Задзіран ў рамках форуму распавёў аб інфармацыйных рэсурсах органаў юстыцыі:

  • асобна спыніўся на працы вэб-партала Адзінага дзяржаўнага рэгістра юрыдычных асоб і індывідуальных прадпрымальнікаў, які сёння дазваляе электронна ажыццяўляць усе працэдуры, звязаныя з рэгістрацыяй і ліквідацыяй бізнесу,
  • адзначыў запатрабаванасць і актуальнасць інфармацыйных тэхналогій у выканаўчым вядзенні;
  • падзяліўся вынікамі працы і задачамі па стварэнні ў Рэспубліцы Беларусь адзінага дзяржаўнага інфармацыйнага рэсурсу запісаў актаў грамадзянскага стану.

Форум #GBCregions (Дзяржава. Бізнес. Грамадзяне – рэгіёны) створаны для абмеркавання тэм аб развіцці лічбавай будучыні Беларусі.

Ён закліканы стаць пляцоўкай для дэманстрацыі дасягненняў рэгіёнаў у галіне цыфравізацыі розных сфер жыццядзейнасці, а таксама для абмеркавання стану, развіцця і перспектыў лічбавай будучыні рэгіёнаў Беларусі.

уверх