Правільна і эфектыўна прымяняць на практыцы атрыманыя тэарэтычныя веды
З 12 па 23 чэрвеня 2023 года для судовых выканаўцаў на базе Інстытута перападрыхтоўкі і павышэння кваліфікацыі суддзяў, работнікаў пракуратуры, судоў і ўстаноў юстыцыі Беларускага дзяржаўнага ўніверсітэта прайшло навучанне па праграме "Выканаўчая вытворчасць". Павысілі свой адукацыйны ўзровень і супрацоўнікі органаў прымусовага выканання, якія знаходзяцца ў рэзерве кадраў.
Пасля заканчэння навучання намеснік Міністра юстыцыі Дзмітрый Касцюкевіч уручыў пасведчанні аб павышэнні кваліфікацыі выпускнікам. Звяртаючыся са словамі на дарогу, ён адзначыў важнасць павышэння ўзроўню і якасці прафесійных ведаў судовых выканаўцаў, пажадаў правільна і эфектыўна прымяняць іх на практыцы.
