У Мінску адкрылася крама рознічнага гандлю па продажы арыштаванай маёмасці

Дзяржаўнае прадпрыемства "БелЮрЗабеспячэнне", з'яўляючыся арганізацыяй, якая ўваходзіць у сістэму Міністэрства юстыцыі Рэспублікі Беларусь, забяспечвае дзейнасць органаў прымусовага выканання. З гэтай мэтай прадпрыемства ажыццяўляе рэалізацыю арыштаванай маёмасці рознымі спосабамі: шляхам правядзення электронных таргоў, праз інтэрнет-магазін і стацыянарныя магазіны. Толькі сёлета праз інтэрнэт-краму арганізацыя рэалізавала больш за 45 тысяч адзінак маёмасці, праз стацыянарныя крамы - каля 160 тысяч.

Для павышэння эфектыўнасці рэалізацыі арыштаванай маёмасці арганізавана работа па адкрыцці сеткі магазінаў рознічнага гандлю ў кожным абласным цэнтры рэспублікі і ў Мінску. На сённяшні дзень рознічныя магазіны функцыянуюць у Віцебску, Гомелі, Гродне і Магілёве. Да канца бягучага года запланавана адкрыццё магазіна ў Брэсце.

11 кастрычніка 2023 г. у Мінску па вул. Лермантава, 49-1Н, адбылося ўрачыстае адкрыццё новай крамы па продажы арыштаванай маёмасці. У мерапрыемстве прынялі ўдзел намеснік Міністра юстыцыі Дзмітрый Касцюкевіч, генеральны дырэктар дзяржаўнага прадпрыемства "БелЮрЗабеспячэнне" Валерый Дашкоўскі і начальнік галоўнага ўпраўлення юстыцыі Мінгарвыканкама Андрэй Мальцаў.

Дзмітрый Касцюкевіч адзначыў, што прыцягненне да працэсу звароту спагнання на маёмасць даўжніка дадатковага спосабу яго рэалізацыі павысіць эфектыўнасць продажу і рэзультатыўнасць работы ў рамках выканаўчага вядзення.