Аб выніках пасяджэння Кваліфікацыйнай камісіi па пытаннях адвакацкай дзейнасці ў Рэспубліцы Беларусь

16 чэрвеня 2023 г. Кваліфікацыйнай камісіяй па пытаннях адвакацкай дзейнасці ў Рэспубліцы Беларусь праведзена чарговая атэстацыя адвакатаў Віцебскай (Цiлькiнай Н.С.), Гродзенскай (Бiрылава А.Ю.), Мінскай (Мiнца Р.I.) абласных, Мінскай гарадской (Міронава П.А., Талавыра М.Д.) калегій адвакатаў.

Чарговая атэстацыя адвакатаў праводзіцца адзін раз у пяць год.

Асноўнымі задачамі атэстацыі адвакатаў з'яўляюцца: ацэнка ведаў адвакатам заканадаўства; прытрымліванне адвакатам заканадаўства аб адвакатуры; ацэнка дзелавых і асобасных якасцей адваката; вызначэнне магчымасці выканання адвакатам сваіх прафесійных абавязкаў у выпадку выяўлення фактаў, якія сведчаць аб яго недастатковай кваліфікацыі.

Па выніках атэстацыі Кваліфікацыйнай камісіяй прыняты рашэнні:

• аб адпаведнасці адвакатаў Мiнца Р.I., Талавыра М.Д. патрабаванням заканадаўства;
• аб немагчымасці выканання адвакатамі Бiрылавым А.Ю., Міронавым П.А. сваіх прафесійных абавязкаў з прычыны недастатковай кваліфікацыі.

Кваліфікацыйнай камісіяй таксама прыняты рашэнні аб магчымасці спынення ліцэнзій на ажыццяўленне адвакацкай дзейнасці ў дачыненні:

• Піщалавай В.С. – у сувязі з прымяненнем дысцыплінарнага спагнання у выглядзе выключэння з Мінскай абласной калегіі адвакатаў за ўчыненне правіннасці, не сумяшчальнай са званнем адваката (здзяйсненне дзеянняў, якія дыскрэдытуюць званне адваката і адвакатуру);
• Савельеву У.В. – у сувязі з прымяненнем дысцыплінарнага спагнання у выглядзе выключэння з Магілеўскай абласной калегіі адвакатаў за сістэматычнае (два і болей разу на працягу 12 месяцаў запар) парушэнне патрабаванняў і ўмоў ажыццяўлення адвакацкай дзейнасці, устаноўленых заканадаўствам;
• Фёдаровіч I.А. – у сувязі з учыненнем правіннасці, несумяшчальнай са званнем адваката, пералік якіх вызначаны Правіламі прафесійнай этыкі адваката, зацвярджаемымі Міністэрствам юстыцыі (учыненне дзеянняў, якія дыскрэдытуюць званне адваката).

Тэрытарыяльныя калегіі адвакатаў папоўняцца новымі кадрамі.

Кваліфікацыйнай камісіяй па пытаннях адвакацкай дзейнасці ў Рэспубліцы Беларусь прыняты іспыт у прэтэндэнтаў, якія маюць намер стаць адвакатамі.
Паспяхова здалі іспыт:

• Гушчын Раман Іванавіч (Гродзенская абласная калегія адвакатаў);
• Дубро Ганна Фёдараўна, Цішкова Надзея Уладзіміраўна (Гомельская абласная калегія адвакатаў);
• Камяк Сяргей Андрэевіч (Мінская гарадская калегія адвакатаў);
• Кунцэвіч Віктар Віктаравіч (Магілёўская абласная калегія адвакатаў);
• Тхагалегава Аляксандра Анатольеўна (Брэсцкая абласная калегія адвакатаў)

Віншуем будучых адвакатаў!