Паседжанне Кваліфікацыйнай камісіі па пытаннях адвакацкай дзейнасці

Кваліфікацыйнай камісіяй па пытаннях адвакацкай дзейнасці ў Рэспубліцы Беларусь прыняты іспыт у прэтэндэнтаў, якія маюць намер стаць адвакатамі.

Паспяхова здаў іспыт стажор Гомельскай абласной калегіі адвакатаў Яўсеенку Аляксандр Вітальевіч.

Кваліфікацыйнай камісіяй праведзена чарговая атэстацыя адвакатаў Мінскай гарадской (Крыгіна Н.В., Мядзведзеў С.В., Пырская Ю.Л., Сычоў В.М., Цімохаўцава А.М., Чарай А.Б., Чырок М.А. , Шабанава І.А.), Мінскай абласной (Коўтун Д.А., Малахава А.А., Суслікава Л.В.) калегій адвакатаў.

Адносна адвакатаў Брэсцкай абласной калегіі адвакатаў Тарасюка М.М. і Янішэўскага В.М. праведзена пазачарговая атэстацыя. Падставай для правядзення пазачарговай атэстацыі паслужылі факты парушэння заканадаўства аб адвакатуры, выяўленыя Міністэрствам юстыцыі падчас выбарачнай праверкі дзейнасці адвакатаў.

Асноўнымі задачамі атэстацыі адвакатаў з'яўляюцца: ацэнка ведаў адвакатам заканадаўства; захаванне адвакатам заканадаўства аб адвакатуры; ацэнка дзелавых і асобасных якасцей адваката; вызначэнне магчымасці выканання адвакатам сваіх прафесійных абавязкаў у выпадку выяўлення фактаў, якія сведчаць аб яго недастатковай кваліфікацыі.

Па выніках атэстацыі Кваліфікацыйнай камісіяй прыняты рашэнні:

аб адпаведнасці адвакатаў Коўтуна Д.А., Малахавай А.А., Пырскай Ю.Л., Сычова В.М., Чарай А.Б., Чырок Н.А., Янішэўскага В.М. патрабаванням заканадаўства;

аб няпоўнай адпаведнасці адвакатаў Крыгінай Н.В., Цімохаўцавай А.М., Шабанавай І.А. патрабаванням заканадаўства з адтэрміноўкай атэстацыі на шэсць месяцаў, пры ўмове выканання рэкамендацый Кваліфікацыйнай камісіі, у тым ліку аб праходжанні адвакатам павышэння кваліфікацыі;

аб немагчымасці выканання адвакатамі Мядзведзевым С.В., Суслікавай Л.В., Тарасюком М.М. сваіх прафесійных абавязкаў з прычыны недастатковай кваліфікацыі.

Кваліфікацыйнай камісіяй таксама прыняты рашэнні аб магчымасці спынення ліцэнзій на ажыццяўленне адвакацкай дзейнасці ў дачыненні да Вараб'ёвай М.М., Пятроўскай С.У.

Падставай для прыняцця адпаведных рашэнняў паслужылі рашэнні камісіі, прынятыя па выніках атэстацыі 14 ліпеня 2023 г.