Рабочая паездка першага намесніка Міністра юстыцыі Наталлі Філіпавай у Гродзенскую вобласць

24 і 25 лютага першы намеснік Міністра юстыцыі Наталля Філіпава ў рамках выезду ў Гродзенскую вобласць азнаёмілася з дзейнасцю службаў "адно акно" Бераставіцкага райвыканкама і адміністрацыі Кастрычніцкага раёна г.Гродна.

У ходзе візіту дзейнасць службаў "адно акно" ацэньвалася на прадмет адпаведнасці патрабаванням Указа Прэзідэнта Рэспублікі Беларусь ад 24 мая 2018 г. № 202 "Аб службе "адно акно" і іншым актам заканадаўства.

Асноўная ўвага ўдзелена функцыяналу названых службаў, колькасці работнікаў, іх статусу, пытанням інфармацыйнага забеспячэння, электроннага ўзаемадзеяння з іншымі арганізацыямі. Абмеркаваны пытанні, якія датычацца аб'ёму выкананых адміністрацыйных працэдур, парадку прыёму заяў і іншых прыкладзеных дакументаў зацікаўленых асоб, пераліку дакументаў, якія работнікі службы павінны запытаць самастойна.

Наталля Філіпава адзначыла дастаткова высокі ўзровень арганізацыі дзейнасці раённых службаў "адно акно". Пры гэтым выказаны прапановы па далейшым паляпшэнні іх работы.

У праграму рабочай паездкі першага намесніка Міністра ўваходзіў удзел у пасяджэнні Бераставіцкага раённага выканаўчага камітэта, на якім разглядаліся пытанні работы са зваротамі грамадзян і юрыдычных асоб, ажыццяўлення адміністрацыйных працэдур. Наталляй Філіпавай выказаны прапановы па ўдасканаленні гэтых напрамкаў дзейнасці, якія дадаткова ўнесены ў рашэнне выканкама. У гэты ж дзень праведзены асабісты прыём грамадзян па актуальных пытаннях дзейнасці Міністэрства юстыцыі.