У Гомелі прайшоў агульны сход адвакатаў абласной калегіі з удзелам намесніка Міністра юстыцыі Мікалая Старавойтава

24 верасня намеснік Міністра юстыцыі Мікалай Старавойтаў прыняў удзел у агульным сходзе Гомельскай абласной калегіі адвакатаў.

Звяртаючыся да членаў калегіі, заклікаў прысутных да шчырага дыялогу з мэтай дасягнення аптымальнага ўзроўню ўзаемаразумення паміж рэгулятарам і адвакатамі.

Намеснік Міністра падкрэсліў ролю дзяржавы ў стварэнні спрыяльных умоў для развіцця адвакатуры, адзначыў, што адвакат абавязаны прытрымлівацца заканадаўства і Правілаў прафесійнай этыкі адваката, пастаянна клапаціцца аб сваёй рэпутацыі, падтрымліваць гонар і годнасць сваёй прафесіі.

Мікалай Міхайлавіч закрануў пытанне парадку праходжання адвакатамі атэстацыі, фарміравання высокапрафесійнага адвакацкага корпуса, неабходнасці эфектыўнай работы інстытута настаўніцтва.

Даступнасць юрыдычнай дапамогі павінна быць прыярытэтным складнікам, а адсутнасць абгрунтаваных скаргаў з боку кліентаў на дзеянні адвакатаў - знакам якасці працы адвакатуры.

Падчас агульнага сходу адвакаты выбралі кіраўніка калегіі. Старшынём Гомельскай абласной калегіі адвакатаў абраны Арцюховіч Аляксей Аляксандравіч.

Напрыканцы мерапрыемства адбылося ўскладанне кветак да помніка воінам і партызанам.