У Міністэрстве юстыцыі праведзены конкурс сярод нарматворчых органаў і супрацоўнікаў, якія ажыццяўляюць абавязковую юрыдычную экспертызу нарматыўных прававых актаў

У Міністэрстве юстыцыі падведзены вынікі штогадовага конкурсу сярод нарматворчых органаў і супрацоўнікаў, якія ажыццяўляюць абавязковую юрыдычную экспертызу.

Конкурс праводзіўся па трох намінацыях:

     "Лепшы нарматворчы орган";

     "Лепшы нарматворчы орган базавага тэрытарыяльнага ўзроўню";

     "Лепшы эксперт".

Конкурснай камісіяй у вышэйназваных намінацыях вызначаны пераможцы, якія ўзнагароджваюцца дыпломамі, і прызёры, якія ўзнагароджваюцца пахвальнымі водгукамі.

У намінацыі "Лепшы нарматворчы орган" пераможцамі былі прызнаны:

          у катэгорыі "20 і больш прынятых нарматыўных прававых актаў у год" - Міністэрства ўнутраных спраў Рэспублікі Беларусь;

          у катэгорыі "менш за 20 прынятых нарматыўных прававых актаў у год" - Нацыянальная акадэмія навук Беларусі.

У намінацыі "Лепшы нарматворчы орган базавага тэрытарыяльнага ўзроўню" пераможцам стаў Валожынскі раённы Савет дэпутатаў і Валожынскі раённы выканаўчы камітэт;

Пераможцам у намінацыі "Лепшы эксперт" названа Марозава Вольга Міхайлаўна, намеснік начальніка аддзела прававога забеспячэння і юрыдычнай экспертызы галоўнага ўпраўлення юстыцыі Гомельскага абласнога выканаўчага камітэта.

Пахвальных водгукаў удастоены:

у намінацыі "Лепшы нарматворчы орган":

          у катэгорыі "20 і больш прынятых нарматыўных прававых актаў у год" - Дзяржаўны камітэт па маёмасці Рэспублікі Беларусь, Міністэрства адукацыі Рэспублікі Беларусь;

          у катэгорыі "менш за 20 прынятых нарматыўных прававых актаў у год" - Міністэрства абароны Рэспублікі Беларусь;

у намінацыі "Лепшы нарматворчы орган базавага тэрытарыяльнага ўзроўню" - Салігорскі раённы Савет дэпутатаў і Салігорскі раённы выканаўчы камітэт, Горацкі раённы Савет дэпутатаў і Горацкі раённы выканаўчы камітэт.

Падчас пасяджэння Мінскага аблвыканкама першы намеснік Міністра юстыцыі Наталля Філіпава ўручыла ўзнагароды пераможцам і прызёрам Мінскай вобласці.

Узнагароды ў намінацыі "Лепшы нарматворчы орган" былі ўручаны на пашыраным пасяджэнні калегіі Міністэрства юстыцыі па пытаннях аб якасці нарматворчай дзейнасці ў сістэме Урада.

Віншуем пераможцаў і жадаем далейшых прафесійных дасягненняў і поспехаў у нарматворчай дзейнасці!