Закон Рэспублікі Беларусь "Аб асновах грамадзянскай супольнасці"

14 лютага 2023 г. Прэзідэнт Рэспублікі Беларусь падпісаў Закон Рэспублікі Беларусь "Аб асновах грамадзянскай супольнасці".

Закон уводзіць новыя для нашай прававой сістэмы паняцці: "грамадзянская супольнасць", "суб'екты грамадзянскай супольнасці", "агульныя і асаблівыя формы ўзаемадзеяння дзяржаўных органаў (арганізацый) і суб'ектаў грамадзянскай супольнасці".

Вызначаны асноўныя задачы ўзаемадзеяння дзяржаўных органаў (арганізацый) і грамадзянскай супольнасці да якіх, у прыватнасці, адносяцца: забеспячэнне народнага адзінства, незалежнасці, тэрытарыяльнай цэласнасці Рэспублікі Беларусь і дзяржаўнага суверэнітэту; павышэнне ўцягнутасці грамадзянскай супольнасці ва ўпраўленне справамі дзяржавы; умацаванне адзінай агульнасці "беларускі народ".

Законам таксама вызначаюцца асобыя формы ўзаемадзеяння дзяржаўных органаў (арганізацый) і суб'ектаў грамадзянскай супольнасці: абранне дэлегатаў Усебеларускага народнага сходу, выпрацоўка прапаноў для вынясення на абмеркаванне Усебеларускага народнага сходу, удзел у рэалізацыі яго рашэнняў. З улікам закладзеных у Законе крытэрыяў узаемадзейнічаць з дзяржаўнымі органамі (арганізацыямі) у асаблівых формах будуць найбольш шматлікія суб'екты грамадзянскай супольнасці, якія аб'ядноўваюць у сваіх шэрагах, па сутнасці, усе пласты беларускага грамадства.

Пацвярджэнне таго, што суб'ект грамадзянскай супольнасці мае права на ўзаемадзеянне з органамі ўлады ў асаблівых формах, аднесена да кампетэнцыі Міністэрства юстыцыі.