Служба "адно акно" - вынікі 2022 года

Прыярытэтамі ў дзейнасці любой дзяржавы з'яўляюцца абарона правоў і законных інтарэсаў грамадзян, павышэнне якасці іх жыцця.

Адной з прынятых мер для дасягнення гэтых задач з'яўляецца стварэнне службаў "адно акно", дзейнасць якіх накіравана на стварэнне больш даступнай і зразумелай для грамадзян працэдуры ўзаемадзеяння з дзяржаўнымі органамі.

Асноўнымі задачамі службы "адно акно" з'яўляюцца:

• прыём заяў ад грамадзян і юрыдычных асоб;
• кансультаванне па адміністрацыйных працэдурах;
• накіраванне запытаў і афармленне пакета дакументаў, неабходных для падрыхтоўкі праектаў рашэнняў;
• выдача даведак з наяўных баз даных, апавяшчэнне грамадзян і юрыдычных асоб аб прынятых рашэннях.

У 2022 г. у рэспубліцы былі арганізаваны дзве новыя службы (г.г. Фаніпаль і Заслаўе), адміністрацыяй Маскоўскага раёна г. Мінска адкрыты філіял у ГЦ "Сталіца", у многіх службах абсталяваны дзіцячыя куткі, зроблены рамонт у памяшканнях, у якіх размяшчаюцца, а некаторыя размяшчаюцца ў новых будынках або памяшканнях. Гэтыя меры прымаюцца мясцовымі выканаўчымі і распарадчымі органамі ў мэтах стварэння камфортных умоў для грамадзян.

Як сведчыць статыстыка, за 2022 г. у службы "адно акно" пададзена 1 126 220 заяў, што на 57 281 заяў больш, чым у годзе мінулым.

Міністэрствам юстыцыі, галоўнымі ўпраўленнямі юстыцыі абласных і Мінскага гарадскога выканаўчых камітэтаў ажыццяўляецца агульная каардынацыя дзейнасці службаў "адно акно", у тым ліку на пастаяннай аснове:

• праводзяцца маніторынгі ў службах "адно акно" рэгіёнаў, у тым ліку з прымяненнем фармату "таемны наведвальнік", па выніках якіх у адрас мясцовых выканаўчых і распарадчых органаў накіроўваюцца рэкамендацыі па ўдасканаленні дзейнасці службаў. Маніторынгі службаў "адно акно" рэгіёнаў праводзяцца выбарачна;

У 2022 г. прадстаўнікамі Міністэрства юстыцыі праведзены маніторынг 44 службаў "адно акно" (Брэсцкая вобласць - 9, Віцебская вобласць - 4, Гомельская вобласць - 6, Гродзенская вобласць - 5, Мінская вобласць - 12, Магілёўская вобласць - 8).

• арганізоўваюцца абласныя і рэспубліканскія семінары па пытаннях дзейнасці службаў "адно акно", праводзяцца навучальныя мерапрыемствы ў мэтах павышэння кваліфікацыі работнікаў службаў "адно акно", для абмеркаванняў найбольш вострых пытанняў, якія ўзнікаюць на практыцы.

Сачыць за дзейнасцю службаў "адно акно" можна на афіцыйных сайтах выканкамаў, у сродках масавай інфармацыі (газеты, тэлебачанне), сацыяльных сетках (Facebook, Аднакласнікі, Instagram) і ў мэсэнджэры Telegram галоўных упраўленняў юстыцый.