Прыярытэты кадравай палітыкі Міністэрства юстыцыі вызначаны падчас семінара-нарады
Пытанні арганізацыі кадравай і ідэалагічнай работы разглядаліся ў Міністэрстве юстыцыі на семінары-нарадзе 23-24 лістапада 2022 года з работнікамі кадравых службаў органаў і арганізацый сістэмы Міністэрства юстыцыі.
Адкрываючы мерапрыемства, начальнік упраўлення кадравай палітыкі і ідэалагічнага забеспячэння Міністэрства юстыцыі Дзмітрый Дрозд адзначыў, што значэнне ўзроўню кампетэнтнасці кадраў, іх прафесійнага стаўлення да даверанага ўчастка работы, канструктыўнай грамадска-палітычнай пазіцыі пастаянна ўзрастае. Міністэрства юстыцыі з'яўляецца шматпрофільным па напрамках дзейнасці, што ўскладняе задачу па падборы кадраў.
"Захаванне, умацаванне і развіццё кадравага патэнцыялу сістэмы Міністэрства юстыцыі, фарміраванне высокапрафесійнага калектыву, які дае магчымасць дасягаць пастаўленых мэт - асноўная задача, што стаіць перад намі" - падкрэсліў Дзмітрый Георгіевіч, звяртаючыся да ўдзельнікаў семінара-нарады.
Жывую цікавасць выклікалі лекцыі спецыялістаў Нацыянальнага цэнтра абароны персанальных даных Рэспублікі Беларусь па пытаннях апрацоўкі персанальных даных у сувязі з працоўнай (службовай) дзейнасцю намесніка начальніка ўпраўлення метадалогіі аховы персанальных даных Надзеі Швед і намесніка начальніка ўпраўлення адукацыйных паслуг і сувязей з грамадскасцю Вольгі Шыбко.
Пытанні супрацьдзеяння карупцыі ў рабоце кадравых службаў дзяржаўных органаў і арганізацый былі асветлены намеснікам начальніка ўпраўлення па барацьбе з карупцыяй і арганізаванай злачыннасцю Генеральнай пракуратуры Рэспублікі Беларусь Яўгенам Лапкоўскім.
У рамках семінара-нарады ўдзельнікі на практыцы змаглі азнаёміцца з арганізацыяй захоўвання дакументаў па асабовым складзе Міністэрства юстыцыі і атрымаць метадычныя рэкамендацыі Таццяны Шаўчэнкі, загадчыка аддзела справаводства і фарміравання Нацыянальнага архіўнага фонду дзяржаўнай установы "Нацыянальны архіў Рэспублікі Беларусь". Таццяна Анатольеўна выступіла з лекцыяй на тэму «Патрабаванні да кадравых дакументаў, якія ўтварыліся ў кадравым справаводстве. Прыём-перадача дакументаў са структурных падраздзяленняў у архіваў арганізацыі».
З удзелам начальніка аддзела працоўных адносін галоўнага юрыдычнага ўпраўлення Міністэрства працы і сацыяльнай абароны Таццяны Пшонкі адбылося абмеркаванне навацый прававога рэгулявання адносін, звязаных з праходжаннем дзяржаўнай грамадзянскай службы.
На семінары разглядаліся пытанні прафесійнай падрыхтоўкі работнікаў, падбору кадраў, вядзення рэзерваў кадраў, атэстацыі, удзелу ў рэалізацыі маладзёжнай палітыкі, ідэалагічнага забеспячэння. Адбыўся абмен досведам паміж удзельнікамі семінара-нарады, абмеркаванне праблемных пытанняў, перспектыў і бягучых задач.
Яркае ўражанне пакінула экскурсія ў Дзяржаўны музей гісторыі Узброеных Сіл Рэспублікі Беларусь на тэму "Ваенная гісторыя Беларусі".
Метадычныя мерапрыемствы, аналагічныя праведзенаму семінару-нарадзе, дазваляюць кожнаму яго ўдзельніку не толькі падзяліцца сваім вопытам, але і атрымаць новыя веды. Усімі ўдзельнікамі адзначана канструктыўнасць і практычная значнасць праведзенага семінара-нарады, а таксама неабходнасць арганізацыі такіх мерапрыемстваў на сістэмнай аснове.
