Рэспубліканская грамадская наглядальная камісія наведала папраўчую ўстанову

Прадстаўнікамі Рэспубліканскай грамадскай наглядальнай камісіі пры Міністэрстве юстыцыі прадоўжана работа па кантролю за дзейнасцю органаў і ўстаноў, якія выконваюць пакаранне і іншыя меры крымінальнай адказнасці.

На гэты раз аб'ектам маніторынгу стала Папраўчая калонія № 11 у Гродзенскай вобласці, наведванне якой адбылося 23 лістапада сумесна з Генеральнай пракуратурай, Дэпартаментам выканання пакаранняў Міністэрства ўнутраных спраў, а таксама прадстаўнікамі Мінскай гарадской і абласнымі грамадскімі наглядальнымі камісіямі пры галоўных упраўленнях юстыцыі.

У ходзе наведвання ВК № 11 былі вывучаны ўмовы побыту асуджаных, арганізацыя іх вольнага часу і працоўнай дзейнасці, медыка-санітарнае забеспячэнне. Членамі наглядальных камісій праведзены гутаркі з асобамі, якія ўтрымліваюцца ў калоніі, і іх анкетаванне.

Па выніках маніторынгу члены камісій прыйшлі да высновы, што ўмовы размяшчэння, харчавання, лячэння, арганізацыя вольнага часу асуджаных і іх працаўладкавання ў ВК № 11 адпавядаюць усім патрабаванням, што прад'яўляюцца да сістэмы выканання пакарання. У ходзе гутаркі з асуджанымі скаргаў і нараканняў на працу адміністрацыі папраўчай установы і ўмовы размяшчэння не паступала. Адзначана праца, якая праводзіцца адміністрацыяй ВК № 11 і Дэпартаментам выканання пакаранняў Міністэрства ўнутраных спраў па паляпшэнні ўмоў пражывання асуджаных у гэтай установе. Праведзены якасны рамонт памяшканняў, добраўпарадкаванне прылеглай тэрыторыі. Палепшана праводзімая работа па арганізацыі медыцынскага забеспячэння асуджаных, прыцягненню іх да заняткаў спортам, прадастаўленню магчымасці атрымання дадатковай вышэйшай, сярэдняй спецыяльнай, прафесійна-тэхнічнай адукацыі.

Асобна адзначана якасць псіхалагічнага суправаджэння асуджаных, а таксама магчымасць ажыццяўлення імі званкоў блізкім сваякам праз відэасувязь.