Выязны семінар-нарада па пытаннях удасканалення работы з насельніцтвам і функцыянавання службаў "адно акно"

14 ліпеня 2022 г. у рамках рабочай паездкі ў Магілёўскую вобласць супрацоўнікі ўпраўлення метадалогіі ажыццяўлення адміністрацыйных працэдур і каардынацыі дзейнасці службы «адно акно» галоўнага ўпраўлення абавязковай юрыдычнай экспертызы нарматыўных прававых актаў Міністэрства юстыцыі прынялі ўдзел у выязным семінары-нарадзе па тэме «Удасканаленне працы з насельніцтвам. Праца са зваротамі грамадзян. Функцыянаванне службаў "адно акно": практыка працы, перспектывы развіцця».

Семінар-нарада арганізаваны галоўным упраўленнем юстыцыі Магілёўскага абласнога выканаўчага камітэта для кіраўнікоў справамі, начальнікаў аддзелаў (упраўленняў) па рабоце са зваротамі грамадзян і юрыдычных асоб, спецыялістаў службаў "адно акно" гарадскіх і раённых выканаўчых камітэтаў, адміністрацый раёнаў у гарадах Магілёве і Бабруйску, кіраўнікоў справамі сельскіх выканаўчых камітэтаў Горацкага раёна, а таксама асоб, уключаных у рэзерв кадраў на пасады кіраўнікоў справамі, начальнікаў аддзелаў (упраўленняў) па рабоце са зваротамі грамадзян і юрыдычных асоб.

У пленарнай частцы мерапрыемства, якое праводзілася на базе ўстановы адукацыі "Беларуская дзяржаўная ордэнаў Кастрычніцкай Рэвалюцыі і Працоўнага Чырвонага Сцяга сельскагаспадарчая акадэмія", начальнік упраўлення метадалогіі ажыццяўлення адміністрацыйных працэдур і каардынацыі дзейнасці службы "адно акно" Салдатава-Талстова Таццяна Аляксееўна выступіла з дакладам, прадставіўшы ўдзельнік падыходы Міністэрства юстыцыі да ўдасканалення дзейнасці службаў "адно акно", сярод якіх – актуалізацыя заканадаўства ў адпаведнай сферы, рэалізацыя мер па падтрыманні належнага прафесійнага ўзроўню работнікаў службаў "адно акно", актывізацыя працэсаў цыфравізацыі адміністрацыйных працэдур.

Акрамя таго, выказана гатоўнасць прадаўжаць узаемадзеянне Міністэрства юстыцыі з мясцовымі выканаўчымі і распарадчымі органамі ў мэтах рэалізацыі намечаных перспектыў развіцця службаў "адно акно".

У час паездкі адбылося азнаямленне прадстаўнікоў Міністэрства юстыцыі з работай службаў "адно акно" Шклоўскага і Горацкага раёнаў Магілёўскай вобласці.