Міністр юстыцыі Сяргей Хаменка прыняў удзел у пасяджэнні Светлагорскага райвыканкама

23 верасня 2022 года Міністр юстыцыі Сяргей Хаменка прыняў удзел у пасяджэнні раённага выканаўчага камітэта г.Светлагорска па пытанні "Рэалізацыя норм Дэкрэта Прэзідэнта Рэспублікі Беларусь № 18 аб кампенсацыі расходаў на ўтрыманне дзяцей, якія знаходзяцца на дзяржаўным забеспячэнні".

У ходзе пасяджэння і абмеркавання праблемных пытанняў Міністр адзначыў: «Дзяржава складаецца з масы ячэек, і галоўная ячэйка - сям'я. Калі ў сям'і прапаведуюцца тыя маральныя прынцыпы, якія адпавядаюць нашым асновам і традыцыям, то ўсё будзе добра: сям'я выхавае сапраўднага патрыёта сваёй краіны».

Пасля пасяджэння выканкама Міністр правёў асабісты прыём грамадзян. Па кожным звароце Сяргей Мікалаевіч даў падрабязныя тлумачэнні і парэкамендаваў шляхі рашэння ў рамках дзейнага заканадаўства.

Сяргей Хаменка азнаёміўся з арганізацыяй дзейнасці службы "адно акно", наведаў аддзел загса Светлагорскага раённага выканаўчага камітэта, ацаніў працу аддзела прымусовага выканання, таксама пабываў у натарыяльнай канторы Светлагорскага раёна.

У аддзеле прымусовага выканання Сяргей Мікалаевіч вывучыў умовы размяшчэння супрацоўнікаў і тэхнічнае забеспячэнне службовай дзейнасці. Не абышоў увагай арганізацыю прыёму грамадзян. Таксама Міністр пацікавіўся колькаснымі паказчыкамі работы і закрануў тэму прымусовага выканання выканаўчых дакументаў, у прыватнасці пытанне безумоўнага спагнання запазычанасцей перад бюджэтам краіны.

У час наведвання натарыяльнай канторы Сяргей Хаменка адзначыў запатрабаванасць іх паслуг з боку насельніцтва, а таксама абмеркаваў бягучыя пытанні, звязаныя з аказаннем паслуг грамадзянам.

Па выніках візіту кіраўнік ведамства высока ацаніў работу кіраўнікоў. Адзначыў, што яны валодаюць інфармацыяй аб стане спраў па адпаведных напрамках работы і дакладна разумеюць задачы, пастаўленыя Кіраўніком дзяржавы перад органамі юстыцыі.