Паседжанне Камісіі па імплементацыі міжнароднага гуманітарнага права

30 мая 2022 г. у Міністэрстве юстыцыі адбылося пасяджэнне Камісіі па імплементацыі міжнароднага гуманітарнага права пры Савеце Міністраў Рэспублікі Беларусь.

Адкрываючы пасяджэнне Камісіі, яе старшыня Міністр юстыцыі Сяргей Хаменка адзначыў, што сёння ў гэты няпросты для ўсяго цывілізаванага свету час, прынцыпы гуманітарнага права зноў праходзяць адзнаку на трываласць. Пры гэтым няўхільнае выкананне нашай дзяржавай практычна ўсіх міжнародных універсальных дагавораў у сферы міжнароднага гуманітарнага права, работа Камісіі па распаўсюджванні ведаў аб міжнародным гуманітарным праве, заўсёды ўдастойвалася высокай ацэнкі і была прызнана паспяховай многімі прадстаўнікамі аналагічных камісій замежных дзяржаў. Кіраўнік прававога ведамства заклікаў удзельнікаў пасяджэння да прадаўжэння выверанай і дакладнай работы, яе актывізацыі, павелічэнню мерапрыемстваў і ініцыятыў.

Членамі Камісіі адобраны прадстаўлены даклад аб выніках работы за 2021 год і мінулы перыяд бягучага года. Удзельнікі абмяняліся інфармацыяй аб праведзенай рабоце, абмеркавалі пытанні ўзаемадзеяння па ўсіх напрамках дзейнасці Камісіі.

З улікам дыскусіі на пасяджэнні быў скарэкціраваны план работы на другое паўгоддзе 2022 года.

У пасяджэнні Камісіі прынялі ўдзел яе члены, якія прадстаўляюць Нацыянальны цэнтр заканадаўства і прававых даследаванняў, Міністэрства замежных спраў, Міністэрства абароны, Міністэрства ўнутраных спраў, Міністэрства адукацыі, Міністэрства культуры, прадстаўнікі Беларускага дзяржаўнага ўніверсітэта, Міжнароднага ўніверсітэта «МІПСА», Беларускага Таварыства Чырвонага Крыжа, ГА "Беларускі фонд міру".