Аб выніках пасяджэння Кваліфікацыйнай камісіі па пытаннях натарыяльнай дзейнасці
20 кастрычніка 2022 г. Кваліфікацыйнай камісіяй па пытаннях натарыяльнай дзейнасці разгледжаны пытанні:
1. Аб допуску да кваліфікацыйнага іспыту Ашурко А.У. для вызначэння ўзроўню прафесійнай падрыхтоўкі да набыцця статусу натарыуса.
Па выніках кваліфікацыйнага іспыту прынята рашэнне аб допуску Ашурко А.У. да ажыццяўлення натарыяльнай дзейнасці і выдачы пасведчання на ажыццяўленне натарыяльнай дзейнасці ў Мінскай гарадской натарыяльнай акрузе.
2. Аб чарговай атэстацыі натарыусаў Брэсцкай і Віцебскай натарыяльных акруг.
Асноўнымі мэтамі атэстацыі натарыусаў з'яўляюцца вызначэнне ўзроўню прафесійнай падрыхтоўкі натарыусаў, іх прававой культуры, ацэнка дзелавых і асобасных якасцяў, здольнасці натарыусаў ажыццяўляць натарыяльную дзейнасць.
Па выніках чарговай атэстацыі Кваліфікацыйнай камісіяй прынята рашэнне аб атэстацыі натарыусаў Брэсцкай натарыяльнай акругі Аляксеенка С.М., Міскевіч А.А., Стральцовай А.А., Чарняк І.Л., Шарамет Н.Я. і натарыусаў Віцебскай натарыяльнай акругі Маскінай А.А., Меніцкай А.Р.
3. Аб нечарговай атэстацыі натарыуса Гомельскай натарыяльнай акругі Герасімук Г.М.
Падставай для правядзення пазачарговай атэстацыі паслужылі факты, якія сведчаць аб неналежным выкананні натарыусам сваіх прафесійных абавязкаў.
Па выніках пазачарговай атэстацыі прынята рашэнне аб неатэстацыі натарыуса Герасімук Г.М. у сувязі з немагчымасцю выканання натарыусам сваіх прафесійных абавязкаў з прычыны недастатковага ўзроўню кваліфікацыі.
Прыняцце рашэння Кваліфікацыйнай камісіі аб неатэстацыі натарыуса з'яўляецца падставай для анулявання пасведчання на ажыццяўленне натарыяльнай дзейнасці, у сувязі з чым прынята рашэнне аб ануляванні пасведчання на ажыццяўленне натарыяльнай дзейнасці, выдадзенага Герасімук Г.М.
4. Аб прызначэнні пазачарговай атэстацыі натарыуса Мінскай гарадской натарыяльнай акругі Антонавай А.А.
Па выніках разгляду пытання прынята рашэнне аб правядзенні пазачарговай атэстацыі натарыуса Антонавай А.А. 14 снежня 2022 г.