Аб удасканаленні прававога рэгулявання выкарыстання праграмнага комплексу "Адно акно"

У мэтах рэалізацыі падпункта 3.5 пункта 3 Дырэктывы Прэзідэнта Рэспублікі Беларусь ад 27 снежня 2006 г. № 2 "Аб дэбюракратызацыі дзяржаўнага апарату і павышэнні якасці забеспячэння жыццядзейнасці насельніцтва", які прадугледжвае ўдасканаленне парадку выкарыстання праграмнага комплексу "Адно акно" ў дзейнасці мясцовых выканаўчых і распарадчых Міністэрствам юстыцыі распрацаваны праект пастановы Савета Міністраў Рэспублікі Беларусь "Аб праграмным комплексе "Адно акно".

Гэты праект вызначае кола суб'ектаў, якія павінны выкарыстоўваць пры ажыццяўленні адміністрацыйных працэдур адпаведны праграмны комплекс, яго асноўны функцыянал, парадак уключэння ў яго новых адміністрацыйных працэдур і падтрымання ў актуальным стане.

19 ліпеня 2023 г. адбылася нарада па абмеркаванні выказаных дзяржаўнымі органамі заўваг і прапаноў па вышэйназваным праекце.

У нарадзе прынялі ўдзел прадстаўнікі Міністэрства ўнутраных спраў, Міністэрства адукацыі, Міністэрства сувязі і інфарматызацыі, Міністэрства спорту і турызму, Міністэрства прыродных рэсурсаў і аховы навакольнага асяроддзя, Міністэрства працы і сацыяльнай абароны, Міністэрства па падатках і зборах, Міністэрства эканомікі, Дзяржаўнага камітэта па маёмасці і мясцовых выканаўчых і распарадчых органаў.

Па выніках нарады вызначаны падыходы па дапрацоўцы адпаведнага праекта пастановы.