Міністр юстыцыі вывучыў арганізацыю працы падведамных устаноў г.Лепеля
Сёння з рабочай паездкай Міністр юстыцыі Сяргей Хаменка наведаў г.Лепель. Мэта візіту вывучыць арганізацыю работы ўстаноў, якія ўваходзяць у сістэму Міністэрства юстыцыі Рэспублікі Беларусь.
Сяргей Мікалаевіч у суправаджэнні начальніка ўпраўлення арганізацыйна-аналітычнай работы Міністэрства юстыцыі Аляксандра Мазура, намесніка начальніка галоўнага ўпраўлення юстыцыі - начальніка ўпраўлення прымусовага выканання Мікіты Разяпава і першага намесніка начальніка галоўнага ўпраўлення юстыцыі Віцебскага аблвыканкама Марыі Быкавай азнаёміўся з органам выканання, аддзела загса, натарыяльнай канторы і юрыдычнай кансультацыі Лепельскага раёна.
Кіраўнік ведамства пагутарыў з галоўным спецыялістам аддзела юрыдычнага і па рабоце са зваротамі грамадзян і юрыдычных асоб службы "адно акно" Аленай Герасімёнак.
Міністр юстыцыі запэўніў, што «пры працы са зваротамі грамадзян важна выслухаць кожнага, унікнуць як мага глыбей у сутнасць той праблемы, якая хвалюе чалавека. Менавіта такія падыходы забяспечваюць давер насельніцтва да ўлады», - падкрэсліў міністр.
У раённым аддзеле прымусовага выканання Сяргей Мікалаевіч даследаваў умовы размяшчэння супрацоўнікаў і тэхнічнае забеспячэнне службовай дзейнасці. Не абышоў увагай арганізацыю прыёму грамадзян і парадак архіўнага захоўвання спраў. Таксама ён пацікавіўся колькаснымі паказчыкамі працы і закрануў тэму прымусовага выканання выканаўчых дакументаў, у прыватнасці пытанне безумоўнага спагнання запазычанасцей перад бюджэтам краіны.
Наступным аб'ектам стаў аддзел загса райвыканкама, ад якога ў Міністра юстыцыі засталіся толькі самыя станоўчыя эмоцыі.
Наведваючы натарыяльную кантору і юрыдычную кансультацыю Лепельскага раёна, Сяргей Хаменка адзначыў запатрабаванасць іх паслуг з боку насельніцтва, а таксама абмеркаваў пытанні, звязаныя з аказаннем паслуг грамадзянам.
Па выніках візіту міністр адзначыў, што кіраўнікі валодаюць інфармацыяй аб стане спраў па свайму напрамку работы і дакладна разумеюць задачы, пастаўленыя кіраўніком дзяржавы перад органамі юстыцыі.
