Прадстаўнікі Рэспубліканскай наглядальнай камісіі наведалі выхаваўчую калонію ў г.Бабруйску

Прадстаўнікі Рэспубліканскай назіральнай камісіі 11 чэрвеня 2022 года ў складзе старшыні камісіі Таццяны Краўчанкі і члена камісіі Леаніда Бароўскага наведалі Папраўчую ўстанову «Выхаваўчая калонія №2» упраўлення Дэпартамента выканання пакаранняў МУС Рэспублікі Беларусь па Магілёўскай вобласці, размешчаную ў г. Бабруйску.

Члены камісіі прынялі ўдзел ва ўручэнні атэстатаў асуджаным, якія скончылі 11 клас. Усяго атрымалі дакумент аб заканчэнні школы 53 асуджаных, з іх 24 - скончылі экстэрнам. На ўручэнні атэстатаў прысутнічалі бацькі і службовыя асобы Бабруйскага гарвыканкама. Пасля ўрачыстай часткі сіламі бацькоў у сталовай установы быў арганізаваны салодкі стол.

Акрамя гэтага мерапрыемства камісія наведала вытворчы ўчастак: швейную вытворчасць, уклейку ручак у папяровыя пакеты, зборку вырабаў з драўніны (паддоны).

Ва ўстанове функцыянуе філіял №2 "Бабруйскага дзяржаўнага будаўнічага прафесійна-тэхнічнага каледжа". Асуджаныя навучаюцца па прафесіях слесара-сантэхніка і станочніка дрэваапрацоўчых станкоў.

Пяцёра асуджаных навучаюцца дыстанцыйна ў "Маскоўскім інстытуце эканомікі, палітыкі і права".

Для жадаючых арганізаваны курсы "ЕШКО", дзе навучэнцам даступны многія сучасныя прадметы: "Псіхалогія", "Англійская мова для сярэдняга ўзроўню", "Як пачаць сваю справу", "Асновы бухгалтарскага ўліку", "Рэкламны менеджмент", "Маляванне і жывапіс" .

Цяпер ва ўстанове функцыянуюць шматлікія гурткі: літаратурны "Чытай кампанія", вакальны "Дысананс", музычны "Бурлеска" і гумарыстычны "Каламбур", а таксама творчая майстэрня "Чароўная шкатулка".

Кіраўніцтвам калоніі шмат увагі надаецца спорту. Створаны секцыі па футболе, валейболе, настольным тэнісе. Абсталяваны гульнявыя спартыўныя пляцоўкі і каробка для хакея. Для асуджаных арганізавана харчаванне па новых нормах. Маецца доступ да добрай медыцынскай базы. Забяспечана магчымасць карыстання відэазванкамі для зносін са сваякамі.

Прадстаўнікі камісіі на свае вочы змаглі пераканацца ў тым, што ва ўстанове праводзіцца вялікая работа па папулярызацыі здаровага ладу жыцця, выкараненні шкодных звычак, выхаванні ў асуджаных пачуцці адказнасці за свае ўчынкі.