У Маскве адбылося пасяджэнне рабочай групы Савета міністраў юстыцыі дзяржаў-удзельніц СНД

15 і 16 верасня ў Аддзяленні Выканаўчага камітэта СНД у горадзе Маскве адбылося пасяджэнне рабочай групы Савета міністраў юстыцыі дзяржаў-удзельніц СНД па распрацоўцы праекта Пагаднення аб супрацоўніцтве па абмене інфармацыяй пры ажыццяўленні прымусовага выканання судовых актаў, актаў іншых упаўнаважаных органаў і службовых органаў.

У пасяджэнні прынялі ўдзел прадстаўнікі Рэспублікі Арменія, Рэспублікі Беларусь, Кыргызскай Рэспублікі, Расійскай Федэрацыі, Рэспублікі Таджыкістан, Рэспублікі Узбекістан і Выканаўчага камітэта СНД. Беларускі бок прадстаўляла начальнік упраўлення забеспячэння дзейнасці галоўнага ўпраўлення прымусовага выканання Міністэрства юстыцыі Людміла Макаранка.

Гэта мерапрыемства арганізавана ў мэтах выканання Рашэння Савета Міністраў юстыцыі дзяржаў-удзельніц СНД ад 30 чэрвеня 2022 года № 1, у адпаведнасці з якім рабочай групе Савета даручана прадоўжыць далейшую работу над праектам Пагаднення.

Ініцыятыва па распрацоўцы міжнароднай дамовы належыць Расійскай Федэрацыі.

Палажэнні праекта Пагаднення накіраваны на рэгуляванне пытанняў узаемадзеяння органаў прымусовага выканання, а таксама на ўстанаўленне прававых асноў для абмену практычна важнай інфармацыяй, якая будзе садзейнічаць захаванню правоў і законных інтарэсаў грамадзян (арганізацый) пры выкананні судовых актаў, актаў іншых органаў і службовых асоб.

Удзельнікі рабочай групы разгледзелі заўвагі і прапановы дзяржаў па праекце Пагаднення, якія паступілі, дамовіліся прадоўжыць работу над ім і правесці чарговае пасяджэнне ў снежні 2022 года ў г. Мінску (Рэспубліка Беларусь).

Па матэрыялах сайта Выканаўчага камітэта Садружнасці Незалежных Дзяржаў.