"Канстытуцыя Рэспублікі Беларусь - аснова прававой, палітычнай і эканамічнай сістэмы дзяржавы" - тэма занятку для работнікаў цэнтральнага апарата Міністэрства юстыцыі

14 снежня 2022 г. у Міністэрстве юстыцыі прайшоў занятак для работнікаў цэнтральнага апарата на тэму «Канстытуцыя Рэспублікі Беларусь – аснова прававой, палітычнай і эканамічнай сістэмы дзяржавы», якую правяла начальнік упраўлення прававога рэгулявання канстытуцыйнага будаўніцтва і праваахоўнай дзейнасці Рогава Святлана Феліксаўна.

У рамках выступлення Святлана Феліксаўна яшчэ раз нагадала прысутным аб ключавых дапаўненнях і змяненнях, унесеных у Асноўны Закон на рэспубліканскім рэферэндуме ў лютым 2022 года, праінфармавала аб рабоце, праведзенай Міністэрствам юстыцыі ў бягучым годзе па прывядзенню заканадаўства ў адпаведнасць з канстытуцыяй, якія павінны быць рэалізаваны ў бліжэйшай перспектыве. Святлана Рогава. падкрэсліла, што Міністэрству юстыцыі беларускім грамадствам і дзяржавай даверана адказная і ганаровая задача, якая будзе выканана якасна і ў тэрмін.

Святлана Феліксаўна таксама звярнула ўвагу прысутных на тыя акцэнты, якія былі расстаўлены Кіраўніком дзяржавы 13 снежня 2022 г. на нарадзе па пытаннях прывядзення асобных законаў у адпаведнасць з абноўленай Канстытуцыяй. У прыватнасці, аб ролі Усебеларускага народнага сходу як стабілізуючага органа ў дзяржаўнай сістэме, які павінен вырашаць стратэгічныя задачы, і аб тым, што кожны грамадзянін Беларусі павінен усведамляць і ўспрымаць ВНС як свой прадстаўнічы орган.

У завяршэнне занятку лектар адказала на пытанні аўдыторыі, якія датычыліся розных тэарэтычных і практычных аспектаў нарматворчага працэсу.