Аб удасканаленні міжведамаснага беларуска-армянскага ўзаемадзеяння

15 ліпеня адбылася працоўная сустрэча прадстаўнікоў Міністэрства юстыцыі і Беларускай натарыяльнай палаты з Консулам Пасольства Рэспублікі Арменія ў Рэспубліцы Беларусь.

Сустрэча была праведзена ў мэтах выканання даручэнняў міністраў юстыцыі Беларусі і Арменіі, даных па выніках візіту К.А.Андрэасяна, Міністра юстыцыі Рэспублікі Арменія, у Рэспубліку Беларусь, які адбыўся ў перыяд з 23 па 24 мая гэтага года.

У ходзе сустрэчы былі абмеркаваны пытанні ўдасканалення механізмаў работы з дакументамі, якія выдаюцца органамі дзяржаўнага кіравання, і прадстаўляюцца заяўнікамі ў іншай дзяржаве. Цяпер паміж дзвюма краінамі ў практыку ў сферы юстыцыі ўкараняецца выкарыстанне электронных дакументаў, што патрабуе дадатковага ўзаемадзеяння паміж зацікаўленымі ведамствамі.

Начальнік упраўлення міжнароднага супрацоўніцтва А.Я.Басалыга і начальнік упраўлення натарыята і загсаў Н.М.Жукава па выніках сустрэчы для прэс-службы Міністэрства юстыцыі адзначылі, што беларускаму і армянскаму бакам неабходна зрабіць адзін аднаму на сустрэчу некалькі крокаў для таго, каб электронныя дакументы, выдадзеныя ў адной дзяржаве, маглі выкарыстоўвацца ў іншай дзяржаве. Менавіта пра гэта сёння ішла дыскусія і дасягнуты працоўныя дамоўленасці.