У Міністэрстве юстыцыі падведзены вынікі конкурсу творчых работ "Права на дзяцінства"

Конкурсная камісія Міністэрства юстыцыі падвяла вынікі конкурсу творчых работ "Права на дзяцінства", які праходзіў пад эгідай аб'яўленага ў краіне Года міру і стварэння.

На першым этапе ў галоўныя ўпраўленні юстыцыі аблвыканкамаў і Мінскага гарвыканкама паступіла больш за тысячу дзіцячых малюнкаў і анімацыйных ролікаў.

Асноўнымі тэмамі конкурсных работ сталі: правы дзіцяці; сацыяльная абарона сям'і і дзяцей дзяржавай; абарона правоў дзяцей-сірот і дзяцей, якія засталіся без апекі бацькоў; правы дзяцей-інвалідаў; абавязкі дзіцяці; Беларусь - астравок свету.

Конкурснымі камісіямі ў рэгіёнах рэспублікі было адабрана больш за сто пяцьдзесят найлепшых малюнкаў і дваццаць адзін анімацыйны ролік. Камісіі пры гэтым кіраваліся наступнымі асноўнымі крытэрыямі ацэнкі: адпаведнасць зместу работы зададзенай тэме; якасць выканання работы; мастацкі ўзровень работ, адпаведнасць творчага ўзроўню ўзросту аўтара.

Конкурснай камісіяй Міністэрства юстыцыі пад старшынствам намесніка Міністра Алега Ката былі вызначаны пераможцы і прызёры ў трох узроставых катэгорыях. Ацэнка работ праводзілася па дзесяцібальнай сістэме. Некаторыя малюнкі, якія выбіліся ў прызёры, атрымалі аднолькавую колькасць балаў. Па рашэнні конкурснай камісіі ў такім выпадку прызавыя месцы аддаваліся двум ці тром удзельнікам адразу.

Работы, якія не ўвайшлі ў тройкі прызёраў, але спыніліся літаральна за крок ад п'едэстала, былі вынесены на суд нашых падпісчыкаў у мэсэнджэры "Тэлеграм". Лепшыя работы па выніках інтэрнет-галасавання таксама будуць адзначаны прызамі Міністэрства юстыцыі.

У гэтым годзе ні адзін рэгіён Беларусі не застанецца без узнагарод. Але найбольшая колькасць яркіх і таленавітых работ, якія заваявалі прызы ў розных узроставых катэгорыях, была прадстаўлена ўдзельнікамі з Гродзенскай вобласці.

Пераможцы конкурсу:

Узроставая катэгорыя ад 3 да 6 гадоў

Намінацыя «Малюнак»:

1 месца – Голуб Дарына (5 гадоў), ДУА «Дашкольны цэнтр развіцця дзіцяці г.Ашмяны», Гродзенская вобласць;

2 месца (раздзялілі дзве работы) – Фокіна Ганна (6 гадоў), ДУА «Любчанскі дзіцячы сад», Гродзенская вобласць; Расол Ганна (6 гадоў), ДУА "Дзіцячы сад № 91 г.Гомеля";

3 месца (раздзялілі тры работы) – Раміцёнак Аляксей (6 гадоў), ДУА «Дзіцячы садок № 69 г.Магілёва»; Абрамовіч Еўдакія (6 гадоў), ДУДА "Клецкі цэнтр дзіцячай творчасці", Мінская вобласць; Бацюкоў Мацвей, 6 гадоў, ДУА «Дзіцячы садок № 27 г.Орша», Віцебская вобласць.

Намінацыя "Анімацыя":

1 месца - Жывалеўскі Мілаван, (6 гадоў), Здановіч Цімафей (6 гадоў), Тарарук Соф'я (6 гадоў), ДУА "Дашкольны цэнтр развіцця дзіцяці г.Масты", Гродзенская вобласць;

2 месца - Механікава Сафія (6 гадоў), ДУА "Дзіцячы сад № 32 г.Гомеля";

3 месца - Еўстратоўскі Яўген (6 гадоў), ДУА «Дзіцячы сад № 21 г.Светлагорска», Гомельская вобласць.

 

Узроставая катэгорыя ад 6 да 12 гадоў

Намінацыя «Малюнак»:

1 месца – Марцінкевіч Цімур (10 гадоў), ГУДА “Маладзечанскі цэнтр творчасці дзяцей і моладзі “Маладзік”, Мінская вобласць;

2 месца (раздзялілі дзве работы) - Цяцерка Ганна (10 гадоў), ДУА "Сярэдняя школа № 25 г.Барысава", Мінская вобласць; Шуцінскі Мікіта (10 гадоў), ДУА «Цэнтр творчасці дзяцей і моладзі г.Свіслач», Гродзенская вобласць;

3 месца (раздзялілі тры работы) - Залеўскі Дзмітрый (11 гадоў), ДУА "Цэнтр творчасці дзяцей і моладзі г.Свіслач", Гродзенская вобласць; Анціпава Яўгенiя (10 гадоў), ДУА "Любанскі цэнтр дзіцячай творчасці", Мінская вобласць; Шыпуля Ева (7 гадоў), ДУА "Сярэдняя школа № 4 г. Чашнікі", Віцебская вобласць.

Намінацыя "Анімацыя":

1 месца - Дрозд Сямён (12 гадоў), ДУА "Гімназія № 2 г.Баранавічы", Брэсцкая вобласць;

2 месца - Голуб Ілля (11 гадоў), Хардзін Максім (11 гадоў), ДУА «Бараўлянская сярэдняя школа», Мінская вобласць;

3 месца - Кутурмазава Маргарыта (9 гадоў), ДУА "Васілішкаўская сярэдняя школа", Гродзенская вобласць; дзіцячы калектыў Сацыяльна-гуманітарнага каледжа ўстановы адукацыі "Магілёўскі дзяржаўны ўніверсітэт імя А.А.Куляшова".

 

Узроставая катэгорыя старэйшыя за 12 гадоў

Намінацыя «Малюнак»:

1 месца - Кісель Анастасія (13 гадоў), ГУДА "Клецкі цэнтр дзіцячай творчасці", Мінская вобласць;

2 месца - Жукоўская Вераніка (16 гадоў), ДУА "Сярэдняя школа № 3 г.Навагрудка імя В.Г.Гаховіч", Гродзенская вобласць;

3 месца - Крупенка Кацярына (18 гадоў), ДУА "Мінскі дзяржаўны мастацкі каледж імя А.К.Глебава".

Намінацыя "Анімацыя":

1 месца - Матчанаў Даніла (13 гадоў), ДУА "Дзятлаўскі раённы цэнтр дадатковай адукацыі дзяцей і моладзі", Гродзенская вобласць;

2 месца - Тункель Яўген (13 гадоў), ДУА "Больцішская базавая школа", Гродзенская вобласць;

3 месца - Букса Анастасія (13 гадоў), ДУА "Васілішкаўская сярэдняя школа", Гродзенская вобласць.

 

Пераможцы па выніках Інтэрнэт-галасавання:

Намінацыя «Малюнак»:

Пазняк Данііл (5 гадоў), ДУА «Дзіцячы садок № 3 г.Ашмяны», Гродзенская вобласць;

Юневіч Ганна (11 гадоў), ДУА "Лідскі раённы цэнтр творчасці дзяцей і моладзі" Гродзенская вобласць;

Козел Марта (16 гадоў), ДУА "Слуцкі цэнтр дзіцячай творчасці", Мінская вобласць.

Намінацыя "Анімацыя":

Якавенка Дыяна (7 гадоў), ДУА «Гімназія № 10 імя Мітрапаліта Філарэта (Вахрамеева) г.Гродна».

 

Аб месцы і часе ўрачыстай цырымоніі ўзнагароджання пераможцаў конкурсу будзе паведамлена дадаткова.