Віншаванне Міністра юстыцыі Рэспублікі Беларусь С.Н. Хаменкі з Днём Перамогі

Паважаныя калегі, работнікі і ветэраны органаў юстыцыі!

У далёкім 1941 годзе на беларускую зямлю прыйшло сусветнае зло пад назвай "нацызм". Яно разбурала гарады, спальвала вёскі, знішчала наш народ, яго культуру і традыцыі. Тысячы і тысячы чалавечых лёсаў загублены ў канцлагерах і гета, задушаны ў газавых камерах і турэмных засценках. Каб скончыць з гэтым, у адзіным парыве ўвесь савецкі народ, людзі ўсіх нацыянальнасцяў усталі на шляхі гітлераўскіх войскаў.

Масква, Сталінград, Курская дуга - узор ваеннага мастацтва Чырвонай Арміі. Франтавая аперацыя "Баграціён", вынікам якой стала поўнае вызваленне Беларусі, - па сутнасці вянок стратэгічнага майстэрства нашых Узброеных Сіл.

Мы са шчырай удзячнасцю ўспамінаем незгасальны подзвіг старэйшых пакаленняў у барацьбе з фашызмам – загінулых салдат і жывых ветэранаў, якія, не шкадуючы сваіх жыццяў, разграмілі ворага, прынеслі мір і свабоду народам Еўропы. Мы схіляем галовы перад мужнасцю партызан і падпольшчыкаў, якія змагаліся з захопнікамі на акупаванай тэрыторыі. Ніколі не забудземся подзвігу працаўнікоў тылу.

Мы свята захоўваем імёны ветэранаў, якія ў пасляваенныя гады, працуючы ў органах юстыцыі, аднаўлялі законнасць і правапарадак на вызваленых тэрыторыях, заклікалі да адказу нацысцкіх злачынцаў і іх памагатых.

Кроплівая праца працаўнікоў архіўных устаноў дазволіла захаваць неацэнныя помнікі нацыянальнай культуры, данесці гістарычную праўду да цяперашніх пакаленняў аб жахах генацыду беларускага народа, мужнасці і гераізме нашых суайчыннікаў у гады вайны.

Устойлівасць і самаахвярнасць пакалення пераможцаў жыве ў нашай памяці і сёння, з'яўляючыся прыкладам для ўсіх нас. Дапамагае дабівацца поспехаў, імкнуцца да таго, каб Беларусь заставалася моцнай, свабоднай і сучаснай дзяржавай. Падзеі тых трагічных вогненных гадоў былі і застаюцца невычэрпнай крыніцай маральнай сілы для новых здзяйсненняў, пераадолення любых цяжкасцяў і выпрабаванняў.

Дарагія сябры! Віншую вас з 77-й гадавінай Перамогі савецкага народа ў Вялікай Айчыннай вайне! Упэўнены, будучыя пакаленні працягнуць свята захоўваць нашу гісторыю і традыцыі, цвёрда стаяць на шляху фашызму і іншай паскуддзе.

Ад усёй душы жадаю ветэранам доўгіх гадоў жыцця, а ўсім нам - шчасця, дабрабыту і мірнага неба над галавой!

Міністр юстыцыі Рэспублікі Беларусь С.Н.Хаменка