Працы з кадрамі і ідэалагічнаму забеспячэнню - самая пільная ўвага

29-30 сакавіка 2023 года Міністэрствам юстыцыі праведзены семінар-нарада са спецыялістамі кадравых службаў і асобамі, адказнымі за забеспячэнне ідэалагічнай работы, прафесійную і службовую падрыхтоўку, галоўных упраўленняў юстыцыі аблвыканкамаў і Мінскага гарвыканкама, Дэпартамента па архівах і справаводстве.

Адкрываючы мерапрыемства, Міністр юстыцыі Сяргей Хаменка зазначыў, што з улікам паўсядзённых выклікаў і пагроз, з якімі сутыкаецца беларускае грамадства, сур'ёзна ўзрастаюць патрабаванні да работнікаў кадравай і ідэалагічнай вертыкалі.

«Сёння вы павінны не толькі валодаць высокімі (можна нават сказаць - узорнымі!) маральнымі і прафесійнымі якасцямі, дакладна разумець сутнасць дзяржаўнай палітыкі і тонка адчуваць інтарэсы і праблемы народа, але і актыўна працаваць у сферы інфармацыйнай асветы і выхавання, валодаць адпаведнымі навыкамі, каб данесці ідэі грамадзянскасці і патрыятызму да кожнага чалавека. Бо патрыятызм, як неаднаразова адзначаў Кіраўнік дзяржавы, гэта не проста размовы аб тым, як мы любім Радзіму. Гэта штодзённая праца на яе дабро!» - падкрэсліў Сяргей Мікалаевіч, звяртаючыся да ўдзельнікаў семінара-нарады.

У рамках праграмы семінара-нарады на адпаведных пляцоўках па напрамках дзейнасці былі абмеркаваны актуальныя задачы кадравай палітыкі і ідэалагічнага забеспячэння ў сістэме Міністэрства юстыцыі: падбор кадраў, пытанні арганізацыі ідэалагічнай работы, прафесійнай і службовай падрыхтоўкі работнікаў, удзелу ў рэалізацыі дзяржаўнай маладзёжнай палітыкі і іншыя.

У фармаце дыялогавых пляцовак удзельнікі семінара-нарады абмяняліся практычным вопытам па тэмах "Рэалізацыя дзяржаўнай маладзёжнай палітыкі ў органах і арганізацыях сістэмы Міністэрства юстыцыі: дасягненні і перспектывы", "Арганізацыя спартыўных і культурна-масавых мерапрыемстваў у органах і арганізацыях сістэмы Міністэрства юстыцыі. Узаемадзеянне з канструктыўнымі грамадскімі фармаваннямі».

Дырэктарам установы "Беларускі навукова-даследчы інстытут дакументазнаўства і архіўнай справы", кандыдатам гістарычных навук Андрэем Рыбаковым у фармаце лекцыі было асветлена пытанне "Патрабаванні да афармлення дакументаў па асабовым складзе".

У мэтах інфармавання ўдзельнікаў семінара-нарады былі заслуханы прапановы РУП "БелЮрЗабеспячэнне" (метадыст Анжаліка Тужыкава) па арганізацыі вучэбнай праграмы павышэння кваліфікацыі "Арганізацыя ідэалагічнай работы ў сучасных умовах".

З мэтай ідэалагічнага выхавання і інфармацыйнай асветы для ўдзельнікаў семінара-нарады было арганізавана экскурсійнае наведванне Музея пажарнай і аварыйна-выратавальнай справы.

Вынікі двухдзённага семінара-нарады падсумаваў начальнік упраўлення кадравай палітыкі і ідэалагічнага забеспячэння Міністэрства юстыцыі Дзмітрый Дрозд. Звяртаючыся да ўдзельнікаў семінара, Дзмітрый Георгіевіч зазначыў: «Каб паспяхова пераадолець усе цяжкасці, захаваць мір і абараніць суверэнітэт беларускай дзяржавы, патрабуецца кансалідацыя і ўнутраная мабілізацыя грамадства, а для гэтага кожнаму з нас, кожнаму беларусу неабходна, у першую чаргу, добрасумленна працаваць на сваім працоўным месцы, няўхільна выконваць працоўную і выканальніцкую дысцыпліну».